ادارہ تالیفاتِ اشرفیہ چوک فوارہ ملتان، گزشتہ پچاس سالوں سے دینی اور اسلامی کتابوں کی اشاعت میں اپنی مثال آپ ہے۔ اس ادارے کو ہمیشہ اکابر علمائے کرام کی سرپرستی اور اعتماد حاصل رہا ہے، جس کی بدولت یہ ادارہ علمی و دینی خدمت کا مرکز بنا ہوا ہے۔ اس ادارہ کی کتب میں  نہ صرف قرآن و حدیث کی مستند تفاسیر اور شرحیں دستیاب ہیں، بلکہ تصوف، سیرت النبی ﷺ، اور اسلامی تاریخ پر بھی کتابوں کا وسیع ذخیرہ موجود ہے۔

ادارہ تالیفات اشرفیہ کی خاصیت یہ ہے جیسا کہ نام سے ظاہر ہے کہ حکیم الامت حضرت مولانا اشرف علی تھانوی رحمہ اللہ تعالیٰ کی تمام کتابیں اب اس ادارہ نے شائع کی ہیں اور اُن کو پورے پاکستان میں پھیلانے کا شرف بھی حاصل ہے۔ حضرت تھانوی رحمہ اللہ کی یہ علمی ذخائر ان کی فقہی، تصوفی اور اصلاحی تعلیمات کو عام کرنے میں سنگ میل ثابت ہوئے ہیں۔

اس ادارے کی تمام کتب کی ایک نمایاں خصوصیت یہ ہے کہ وہ انتہائی کم قیمت پر دستیاب ہوتی ہیں۔ اعلیٰ ڈیلکس ایڈیشن بھی اس طرز پر شائع کئے جاتے ہیں کہ ان کی قیمت ایک مقررہ حد سے زیادہ نہ ہو، تاکہ ہر طبقے کے افراد، خواہ وہ طالب علم ہوں یا زُہد و تقویٰ کے حامل علمائے کرام، ان کتب کو بہ آسانی خرید سکیں۔ ادارے کی یہ کوشش ہے کہ ہر شخص کو دین کا علم میسر ہو اور وہ اس علمی ورثے سے مستفید ہو سکے۔

آپ کو یہاں سے علم کا وہ خزانہ ملے گا جس کی بدولت آپ کی روحانی ترقی کے دروازے کھلیں گے اور آپ دین کی فہم اور گہرائی میں جائیں گے۔

Taleefat AShrafia