اھل بیت کی سیرت اور فضائل

ہم سب کا ایمان ہے کہ حضرات اہل بیت کی محبت و عقیدت، عزت و احترام اور اتباع سب دین ہی کا حصہ ہیں ۔ اس لئے تاریخ کا سہارا  لے کر ان حضرات کے درجات کو متعین کرنا صاحب ایمان کے لئے ہر گز ہرگز مناسب نہیں ہے ۔ اس لئے احتیاط لازم ہے ۔ سیدنا حسین رضی اللہ تعالیٰ عنہ کی شہادت کا واقعہ ایسا ہے کہ فکری آزادی اور تاریخی روایات آدمی کو کہاں سے کہاں تک پہنچا دیتی ہیں ۔

اہل بیت کے مبارک عنوان پر اکثر کتب حضرت علی، حضرت فاطمہ، حسنین کریمین کے تذکرہ پر مشتمل ہوتی ہیں ۔ اس کتاب میں مصنف قاری محمد اسحاق ملتانی نے امہات المومنین، خلفائے راشدین، حضرت عباس، حضرت ابن عباس ، حضرت جعفر، حضرت امیر معاویہ رضی اللہ تعالیٰ عنہم اجمعین اور سیدنا حسنین کی اولادوں میں سے بھی ائمہ صاحبزادگان کا تعارف اس میں کروادیا ہے ۔

یہ مبارک کتاب درج ذیل حضرات کے افادات سے مرتب کی گئی ہے ۔ مولانا محمد ادریس کاندھلوی، مفتی محمد شفیع، مولانا زکریا کاندھلوی اور مولانا محمد نافع رحمہ اللہ تعالیٰ ۔

اس کتاب میں درج تمام معلومات، واقعات و حالات کا مآخذمستند اور ہر بات باحوالہ ذکر کی گئی ہے ۔

اس وقت امت مسلمہ اجتماعی وانفرادی اعتبار سے جن نامساعد حالات سے گزر رہی ہے اِن حالات میں ہم میں سے ہر مسلمان کے لئے اپنے اسلاف کے تابناک واقعات سے روشنی حاصل کرنے کی ضرورت ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5866483150101193/923450345581