اسلام اور معاملات

مسلمان کی اصل پہچان معاملات کی درستی ہے
آج گھر گھر لڑائی اور عدالتوں میں جو مقدمات کی کثرت ہے، اس کی بنیادی وجہ “معاملات کی خرابی ہے” جس کی وجہ سے بھائی بھائی کا دشمن ہو جاتا ہے، معاملات کی اصلاح کیلئے یہ ایک انمول کتاب ہے ۔

دین اسلام میں معاملات اس قدر اہم ہیں کہ دین کا ایک حصہ عبادات پر مشتمل ہے تو تین حصے معاملات سے متعلق ہیں ۔ معاملات کی درستی اور حقوق العباد کی ادائیگی کی فکر اور اہتمام ہی ایک مسلمان کی پہچان ہے ۔

آج کل گھر گھر میں جو ناچاقی ہے، دفاتر اور بازاروں میں لڑائی جھگڑے اور عدالتوں، کچہریوں مین جو مقدمات کی کثرت ہے ۔ اُن سب کی ایک اہم وجہ یہی معاملات کی خرابی ہے ۔ جس سے معاملہ کرتے وقت پوری تحریر اور پوری تحقیق اور گواہان کو نظر انداز کردیا جائے تو وہ معاملہ عموماً خراب ہی ہوتا ہے ۔ نیز لوگوں کی ظاہری دینداری، حسن اخلاق، یا بناوٹی بزرگی سے متاثر ہوکر لوگ معاملات کو خراب کردیتے ہیں ۔

جبکہ معاملات سے متعلق اسلام نے ہمیں بڑی اہمیت اور باریکی کے ساتھ احکامات سے نوازا ہے اور عام حالات میں معاملات سے متعلق دین کے احکام کو یکسر فراموش کردیا جاتا ہے ۔

پھر جب یہی بظاہر دیندار بزرگ لوگ حقوق العباد میں غفلت کرتے ہیں تو پھر اپنی کوتاہی کو تسلیم کرنے کی بجائے دین کو بدنام کرکے اپنا ایمان بھی داؤ پر لگا دیتے ہیں ۔ معاملات کے متعلق ایک اہم اصول یہ ہے کہ آپس میں بھائیوں کی طرح رہو لیکن معاملات بالکل اجنبی کی طرح کرو ۔

موجودہ حالات میں معاملات کی خرابی کے باعث لوگ دھوکہ کھا اپنا نقصان کر بیٹھتے ہیں یا دوسروں کا حق غصب کرکے اپنی دنیا وآخرت کو خراب کرلیتے ہیں ۔

یہ کتاب معاشرہ کے اسی سلگتے موضوع پر ترتیب دی گئی ہے جس میں معاملات کی اہمیت کو نبی کریم صلی اللہ تعالی علیہ وسلم اور صحابہ کرام اور اکابر و اسلاف کے واقعات کی روشنی میں واضح کیا گیا ہے ۔ اس چیز کو زیر بحث لایا گیا ہے کہ اسلام میں معاملات کس قدر اہم ہیں اور ہمارے اسلاف و اکابر کس قدر معاملات کی درستی کا اہتمام فرماتے تھے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں

https://wa.me/p/5890827567670815/923450345581