علاج الاحتلام

احتلام کی قسمیں، وجوہات اور علاج معالجہ پر استاذ الحکماء حکیم محمد عبداللہ صاحب کا ایک مختصر اور زبردست مکمل رسالہ ۔

از مطبوعات سلیمانی اردو بازار لاہور ۔

علاج الاحتلام

احتلام کے متعلق عوام میں جس قدر غلط فہمیاں پھیلی ہوئی ہیں انکی تفصیل ایک طویل فہرست کی متقاضی ہے ۔

ان غلط فہمیوں کے مضرت رساں نتائج سب سے زیادہ نوجوان طبقہ کے افراد کو بھگتنا پڑتے ہیں ۔ کیونکہ یہ مرض اسی طبقہ کے ساتھ مخصوص ہے ۔ عنفوان شباب میں جب ایک نوجوان کو احتلام شروع ہوتا ہے تو وہ بیچارہ اپنے اردگرد دوستوں سے نہایت رازدارنہ انداز میں تذکرہ کرتا ہے ۔ پھر ناتجربہ کار دوست حضرات احتلام کے خطرات سے نہایت ہی مبالغہ آمیر پیرایہ میں آگاہ کرتے ہیں ۔

اسکے ساتھ ہی کسی اشتہار باز حکیم یا نیم پڑھے وید یا کمپوڈری کی تعلیم پر اکتفا کئے ہوئے ڈاکٹر کی فہرست ادویہ لا کردے دیتے ہیں ۔ نوجوان اس فہرست کو ڈوبتے کو تنکے کا سہارا سمجھ کر حرز جان بنا لیتا ہے ۔

بس یہیں سے اسکی بربادی کے دردناک باب کا آغاز ہوجاتا ہے ۔

اس رسالہ میں نوجوانوں کو بتایا جارہا ہے کہ احتلام اتنا خطرناک مرض نہیں ہے جتنا وہ خیال کرتے ہیں ۔۔۔۔