الرحیق المختوم

Description

الرحیق المختوم عصر حاضر میں فن سیرت نگاری کا ایک معیاری نمونہ ہے ۔ کتاب اصلاً عربی زبان میں لکھی گئی اور اسے رابطہ عالم اسلامی کے تحت منعقد ہونے والے بین الاقوامی سیرت نگاری کے مقابلہ میں پیش کیا گیا ۔ جس پر اسے جید علمائے کرام اور محققین کے ایک بورڈ نے 171 مسوادات میں سے پچاس ہزار سعودی ریالات کی خطیر رقم انعام میں دی ۔

اس نادر تالیف کا پھر اردو ترجمہ خود مصنف کے قلم سے ہوا ۔ مگر یہ کتاب ترجمہ کی بجائے مستقلاً ایک طبعزاد تصنیف معلوم ہوئی ۔

کتاب کے فاضل مصنف مولانا صفی الرحمن مبارکپوری کا شمار عصر حاضر کے ممتاز علمائے کرام میں ہوتا ہے ۔ آپ علمائے مبارکپور ہند کے معروف خاندان سے تعلق رکھتے ہیں ۔ اس خاندان کی علمی بالخصوص محدثانہ خدمات کو عرب و عجم میں بہت عزت و احترام کی نگاہوں سے دیکھا جاتا ہے ۔

اس تصنیف لطیف کی طباعت و اشاعت میں المکتبۃ السلفیہ نے جس اہتمام اور خوش ذوقی کا مظاہرہ کیا ہے ۔ وہ اس کتاب کی نفاست اور عمدگی سے ہی معلوم ہوجاتا ہے ۔

Additional information