کشتہ جات کی پہلی کتاب

کشتہ جات کی پہلی کتاب

کشتہ سازی کا فن ایک لطیف صنعت ہے ۔ جس میں مہارت تامہ حاصل کرنے کے لئے محض علمی تعلیم کافی نہیں ہے ۔ جب تک شائق فن آگ سے کھیلنا نہ سیکھ لے وہ کبھی ایک ماہر کشتہ ساز نہیں بن سکتا ۔ دیگر علوم و فنون میں ترقی حاصل کرنے کی طرح اس فن میں مہارت حاصل کرنے کا راز بھی یہی ہے کہ پہلے سب سے نیچے کے زینے پر قدم رکھ کر اوپر چڑھنا شروع کیا جائے ۔

کشتہ جات کی یہ پہلی کتاب فن کشتہ سازی میں بطور ایک پہلے زینے کے تیار کی گئی ہے ۔ اس لئے اس کی زبان اور اندازِ بیان حتی الوسع بہت عام فہم ہے ۔ اس میں انہی کشتہ جات کی تراکیب شامل کی گئی ہیں جنہیں مبتدی نہایت آسانی سے تیار کرسکتا ہے ۔ اسی خیال کے زیر اثر سیماب اور ہڑتال ورقی جیسے کشتے درج نہیں کئے گئے ۔ نیز یہ بھی خیال رکھا گیا ہے کہ ترکیبیں ایسی ہوں کہ اگر مبتدی پہلی مرتبہ کوئی کشتہ تیار نہ کرسکے تو زیادہ مالی نقصان نہ ہو ۔ اسی واسطے سونے کا کشتہ بنانے کی ترکیب بھی اسمیں شامل نہیں کی ۔