تفسیر ابنِ عباس اردو

تفسیر ابنِ عباس اردو

اللہ تعالیٰ کے کلام پاک کو پوری طرح سمجھنا صرف حضور نبی کریم صلی اللہ علیہ وسلم کا کام تھا جن کے مبارک قلب پر یہ نازل ہوا ۔ پھر انہیں دوسروں کو سمجھانے کا کام بھی سپرد ہوا اور انہوں نے سمجھانے کا پورا پورا حق ادا کردیا ۔

ان کے بعد صحابہ کرام، تابعین اور صلحائے امت نے اپنی اپنی بساط کے مطابق اس کلام الٰہی کو سمجھنے کی کوشش کی اور آئندہ آنے والوں کو سمجھانے کاکام بھی بخوبی سرانجام دیا ۔ اللہ تعالیٰ نے انکی مساعی جمیلہ کو یقینی طور پر کامیاب بنایا اور نہی مساعی کی مرہون منت ہے کہ آج بھی اللہ کی کتاب کے مفہوم و معانی کرنے والے ہم میں موجود ہیں ۔

انہی بہترین سمجھانے والے صحابی ہستیوں میں سے ایک حضرت عبداللہ ابن عباس رضی اللہ تعالیٰ عنہما ہیں ۔ خاص طور پر قرآن پاک کی تفسیر و تاویل میں جو مہارت اور آیات قرآنی کی شانِ نزول اور ناسخ و منسوخ ہونے کا علم جو انکے حصہ میں آیا وہ اور کسی کو نہیں ملا ۔

کتاب کے ناشر جناب خالد مقبول صاحب لکھتے ہیں کہ تفسیر ابن عباس و تفسیر ابن مسعود کا ترجمہ کرواتے وقت ہمارے پیش نظر خاص طور پر یہ بات رہی کہ اسکا اتنے بہتر انداز میں ترجمہ کروایا جائے کہ نہ صرف زبان عام فہم ہو بلکہ ترجمہ کرنے والا عربی سے اردو میں ایسے منتقل کرے کہ پڑھنے والے کو ترجمہ کا احساس کم سے کم ہو ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/6530777393604271/923450345581