تفسیر بیان القرآن قلمی مخطوطہ

تفسیر بیان القرآن قلمی مخطوطہ

یہ اصل مسودہ ہے تفسیر بیان القرآن کا جو حکیم الامت حضرت مولانا اشرف علی تھانوی رحمہ اللہ تعالیٰ کے خاص دستِ مبارک سے لکھا ہوا ہے ۔ یہ تفسیر حضرت رحمہ اللہ تعالیٰ نے امساک کے ساتھ رہتے ہوئے صبح سے شام تک ایک ایک چھٹانک بھنے چنے پر اکتفا کرکے اور قناعت کرتے ہوئے اور راتوں کو لالٹین کی روشنی میں مطالعہ کرتے ہوئے تحریر فرمائی تھی ۔

تفسیر “بیان القرآن” کا نادر و نایاب یہ مخطوطہ نسخہ حضرت کے برادر زادہ مولانا شبیر علی صاحب نے مفتی محمد شفیع رحمہ اللہ تعالیٰ کو مرحمت فرمایا تھا ۔ پھر دارالعلوم کراچی سے قاری محمد اسحاق ملتانی نے اصل مخطوطہ مکمل عکس کروا کے جلد کی صورت میں شائع کروایا جو کہ آپ کے سامنے ہے ۔

در حقیقت یہ تفسیر “بیان القرآن” کا نادر ونایاب مخطوطہ طلبائے تفسیر قرآن مجید اور اساتذہ و محققین نیز مؤلفین و مصنفین کے لئے یقیناً معتمد مرجع اور مستند ماخذ ثابت ہوگا ۔ کیونکہ بعض اہل علم و مطالعہ کے نزدیک بیان القرآن کے مطبوعہ متداول نسخوں میں کتابت کی ایسی غلطیاں پیدا ہوچکی ہیں جن سے مثبت منفی اور منفی مثبت معلوم ہوتا ہے ۔ اب ان کی تصحیح کی صورت یہی ہے کہ اصل مخطوطہ نسخہ کو سامنے رکھا جائے ۔

یہ مخطوطہ عکسی قلمی نسخہ آپ پورے پاکستان میں گھر بیٹھے منگوا سکتے ہیں ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/4517074941751138/923450345581