تھذیب البلاغۃ شرح دروس البلاغۃ

علمِ بلاغت عربی زبان کی فہم اور صحیح تعبیر کے لئے بنیادی حیثیت رکھتا ہے۔ تہذیبُ البلاغۃ شرحِ دروسُ البلاغۃ میں حضرت مولانا محمد اصغر علی صاحب دامت برکاتہم العالیہ نے اس علم کو نہایت منظم، تدریسی اور آسان انداز میں پیش کیا ہے تاکہ طلبہ محض تعریفات یاد کرنے کے بجائے مفہوم کو گہرائی سے سمجھ سکیں۔ کتاب کے آغاز میں علمِ بلاغت اور علمِ معانی کی جامع تعریف، مقصد اور افادیت بیان کی گئی ہے۔ اسی تسلسل میں صاحبِ دروسُ البلاغۃ کا تعارف اور ان کے علمی حالات بھی شامل کیے گئے ہیں۔

یہ شرح محض ترجمہ یا سطحی وضاحت تک محدود نہیں، بلکہ ہر عبارت کا اعراب، تجزیہ اور تشریح باقاعدہ تدریسی اسلوب میں پیش کرتی ہے۔ اشعار کے معنی اور محلِ استشہاد کو واضح کیا گیا ہے۔ مزید یہ کہ درسی ضرورت کے مطابق سوالات کے حل بھی شامل کیے گئے ہیں، جو امتحانی تیاری میں مددگار ہیں۔ مصنف حضرت مولانا اصغر علی صاحب دامت برکاتہم العالیہ چونکہ جامعہ اسلامیہ عربیہ مدنی ٹاؤن غلام محمد آباد فیصل آباد میں استاذ الحدیث ہیں، اس لئے ان کا اسلوب تدریسی حوالے سے بہت آسان ہے۔۔ یہی وجہ ہے کہ یہ شرح وفاق المدارس العربیہ کے نصاب کے مطابق پڑھنے والے طلبہ و طالبات اور اساتذہ کے لئے ایک قیمتی خزانہ ہے  ۔

اگر آپ علمِ بلاغت، عربی نصاب کی مستند شروحات اور درسی رہنمائی پر مشتمل مزید کتب دیکھنا چاہتے ہیں تو یہاں ملاحظہ کریں:۔
http://kitabfarosh.com/shop