اس کتاب میں دو باب ہیں ۔ پہلے باب میں وقت اور اسکی قدر و قیمت کے مختلف پہلوؤں پر روشنی ڈالی گئی ہے ۔

جبکہ دوسرے باب میں اہل علم کے ہاں وقت کی قدر اور زندگی کی اہمیت کا تذکرہ ہے ۔ انکے ذوق مطالعہ کے واقعات بھی ہیں اور طلب علم میں انکی بلند ہمتی کا بیان ہے ۔

کتابوں کے سدا بہار چمن کی سیر سے سیر نہ ہونے کے متعلق انکی زندگی کی وہ داستانیں جمع کی گئی ہیں جو راہ علم کے ہر مسافر کی زندگی کا حصہ ہونی چاہئیں ۔ اس طرح پچاس علمائے کرام کا تذکرہ اس کتاب میں شامل ہوگیا ہے ۔

یہ کتاب ہزاروں صفحات کا نچوڑ ہے جن میں سے چن چن کر دل چسپ اور منتخب و مؤثر واقعات ذکر کئے گئے ہیں ۔ ان کا مطالعہ قاری کو علم کا شوق، تحصیل علم میں محنت اور وقت کی قدر و قیمت کا ایک نیا احساس دے گا ۔

اس کے مصنف بھی مشہور و معروف کالم نگار ابن الحسن عباسی ہیں جو کہ شعبہ تصنیف جامعہ فاروقیہ میں اپنی خدمات سرانجام دیتے رہے ۔ رحمہ اللہ تعالیٰ

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5869993236425077/923450345581