خیر المفاتیح شرح مشکوۃ المصابیح

کتاب ہٰذا میں شارح جامع المعقول والمنقول استاذ الحدیث مولانا شبیر الحق کشمیری صاحب ہیں ۔ جو اپنے تبحر علمی، اخلاص وللہیت اور سادگی ودرویشی میں اپنی مثال آپ تھے ۔ اکابر میں سے مولانا محمد ادریس کاندھلوی اور علامہ شریف کشمیری رحمہ اللہ تعالیٰ کے تلمیذ تھے ۔ اس کے ساتھ ساتھ مولانا موسیٰ روحانی بازی اور مولانا عبدالخالق یعنی ان دو واسطوں سے مولانا انور شاہ کشمیری رحمہ اللہ تعالیٰ کے علوم و معارف کے امین تھے ۔

حدیث کی تشریح بیان کرتے وقت آپکی باتیں یوں معلوم ہوتی تھیں جیسے علم و عمل کی مجسم تصویر سامنے موجود ہو ۔ آپ اسلاف کی یاد تازہ کرنے میں اپنی مثال آپ تھے ۔

تقریباً بیس سال مسلسل آپ نےجامعہ خیرالمدارس میں مشکاۃ شریف کا درس دیا ۔ ہر سال جید الاستعداد طلبائے کرام آپکے علمی وتحقیقی نکات کو انفرادی طور پر بھی محفوظ کرلیتے ۔ ملک میں پھیلے ہوئے آپکے دیرینہ طلبائے کرام کی خواہش پر تقاریر کشمیری کو کتابی شکل میں شائع کردیا گیا ہے ۔

ادارہ تالیفات اشرفیہ نے اس میں تبییض و تصحیح کرکے نئے اور بہتر انداز میں شائع کیا ہے ۔

چھ جلدوں پر مشتمل مکمل مشکوۃ شریف کی شرح ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/6217755878269826/923450345581