اسرارالاولیاء ملفوظات بابا فرید

اسرار الاولیاء

حضرت بابا فرید الدین گنج شکر کے ملفوظات پر مشتمل ایک مستند کتاب ہے جسے انکے خلیفہ، خادم اور داماد حضرت بدر اسحاق قدس اللہ سرہ العزیز نے بہت ہی احتیاط اور اہتمام سے مرتب فرمایا تھا ۔ اسکی اہمیت اس وجہ سے اور بھی بہت بڑھ گئی کہ یہ سب سے پہلی مرتبہ اردو دان طبقہ سامنے اردو میں پیش کی جارہی ہے ۔

یہ کتاب بائیس فصلوں پر منقسم ہے اور ہر فصل میں تصوف کے خاص خاص مضامین پر تفصیل سے روشنی ڈالی گئی ہے ۔

درمیان میں اکثر واقعات اور کرامات بھی آگئیں جن سے حضرت بابا فرید گنج شکر کو خود سابقہ ہوا تھا ۔

اس کتاب کا ترجمہ برصغیر پاک و ہند کے مشہور ادیب اور محقق پروفیسر محمد معین الدین دردائی صاحب ایم اے علیگ نے کیا ہے ۔ یہ مترجم جناب نہ صرف لذت آشنائے علم و فن ہیں بلکہ بحر تصوف کے بھی شناور ہیں ۔