بھوک کے فوائد اور شِکم سیری کے نقصانات

تمام اطبائے کرام اور صوفیائے کرام اس بات پر متفق ہیں کہ کثرت طعام دل کو مردہ کردیتی ہے اور معدہ کو خراب کردیتی ہے نیز انسانی جسم کو بیماریوں سے بھردیتی ہے ۔

اس کتاب کی تالیف کا مقصد یہ نہیں ہے کہ محض بھوکا رہنے پر تاکید کی جائے ۔ بلکہ اس قدر مقصود ہے کہ اسمیں انسان اعتدال اختیار کرے ۔ کیونکہ نبی کریم صلی اللہ علیہ وسلم کا فرمان ہے ۔ بھرنے کے لحاظ سے سب سے برا برتن پیٹ ہے ۔

نیز فرمایا: جو شخص اس جہان میں بہت سیر ہے، وہ اُس جہاں میں بہت بھوکا ہوگا ۔

اسکے برخلاف آپ صلی اللہ علیہ وسلم سے یہ دعا بھی کئی احادیث میں منقول ہے کہ اے اللہ میں فقر سے تیری پناہ مانگتا ہوں جو برا ساتھی ہے ۔

ایک جگہ منقول ہے کہ آپ صلی اللہ علیہ وسلم نے فرمایا: قریب ہے کہ فقر کفر کا سبب بن جائے ۔

لہٰذا اس طرح کی دونوں باتوں کو مد نظر رکھتے ہوئے ہر انسان کو کھانے پینے میں بیچ کی راہ اختیار کرنی چاہئے ۔ معدہ کو بالکل پر کرنا تو سراسر عیب ہی عیب ہے جس کی جابجا انتہائی مذمت کی گئی ہے ۔ اور آج کل عام و خاص، بلکہ جاہل کیا عالم بھی اس چیز میں غفلت کا شکار ہیں ۔ اور شکم پرستی کا مریض ہے ۔ فرمان رسول ہے کہ اگر تم نہیں مانتے تب بھی پیٹ کا ایک حصہ کھانا کھاؤ، ایک حصہ پانی پیو اور ایک حصہ سانس کے لئے خالی چھوڑ دو ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5597213270399850/923450345581