بعض لوگ یہ سمجھتے ہیں کہ بھیڑ بکریوں کا فارم بنانا ایک پسندیدہ عمل ہے کیونکہ حضور نبی کریم صلی اللہ علیہ وسلم بھی بکریاں چراتے رہے تھے ۔ اس لئے بھیڑبکریوں کی لائیو اسٹاک فارمنگ میں ڈاکٹر صاحب موصوف نے بہت بڑی خدمت سرانجام دی ہے ۔ انہوں نے لائیو اسٹاک فارمنگ پر پہلے بھی ایک درجن سے زائد کتب لکھی ہیں ۔

ڈاکٹر آفتاب احمد صاحب اپنی قابلیت، وسیع تجربے اور پاکستان میں لائیو اسٹاک کے شعبے میں اپنے عمیق مطالعہ کی وجہ سے اس موضوع پر لکھنے کے لئے موزوں ترین فرد ہیں ۔ یہ کتاب تحریر وترتیب میں اپنی مثال آپ ہے ۔

جناب حلیم الحسنین صاحب لکھتے ہیں کہ جدید ترین معلومات اور پیچیدہ موضوعات کو نہایت سادہ الفاظ میں بیان کئے جانے کی وجہ سے کتاب کی جامعیت اور افادیت میں کئی درجہ اضافہ ہوگیا ہے ۔

مصنف لکھتے ہیں کہ اس کتاب کو لکھنے کا محرک اس زمانے کے ایک ولی اور کامل بزرگ مرحوم حکیم محمد عبداللہ جہانیاں والے بنے ۔ حکیم صاحب مرحوم ایک سچے عاشق رسول صلی اللہ علیہ وسلم اور سنت کا اتباع کرنے والے بزرگ تھے ۔ انہوں نے مجھ سے کئی مرتبہ اپنی خواہش کا اظہار فرمایا تھا کہ بھیڑ بکریوں کا ایک فارم کھول کر وہ اتباع سنت کا ثواب حاصل کرنا چاہتے ہیں ۔

مصنف کہتے ہیں کہ اگر اس کتاب کو پڑھ کر کوئی ایک شخص بھی بھیڑ بکریوں اور فارمنگ کے ذریعے اپنے لئے دین و دنیا کی زینت کا سامان بہم پہنچا سکے تو میں سمجھوں گا کہ مجھے میری محنت کا صلہ مل گیا ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/6653194554695960/923450345581