آئیے پاکستان کی قدر کریں

پاکستان اللہ تعالیٰ کی عظیم نعمت ہے جو مادی وسائل سے مالامال بھی ہے اور ارضی وسماوی اعتبار سے دنیا کے اہم ترین علاقہ میں واقع ہے ۔ اسی طرح دینی دنیوی اعتبار سے بے شمار نعمتیں ہیں ۔ جو صرف اور صرف اہل پاکستان کو میسر ہیں ۔

نعمتوں سے مالامال ہمارا ملک پاکستان عظیم نعمت خداوندی ہے جو اللہ تعالیٰ ہمارے بڑے بزرگوں کی قربانیوں کے صدقہ میں عطا فرمایا ۔

ہم اس نعمت کو نعمت سمجھیں اور اسکی قدر کریں ۔ حدیث میں وطن کی محبت کو بھی ایمان کا حصہ قرار دیا گیا ہے ۔

آج بھی ہندوستان میں بسنے والے مسلمان بدامنی کے خوف میں مبتلا ہیں ۔ جبکہ وہاں اُنکے اپنے علاقے اور محلے ہیں ۔ یہاں آنے والے ہندوستانی مسلمان خود کو پر امن محسوس کرتے ہیں ۔ پاکستان اہل اسلام کے لئے ہر لحاظ سے نعمت خداوندی ہے اور اہل اسلام کے لئے پناہ گاہ ہے ۔

ضرورت اس بات کی ہے کہ ہم میں سے ہر شہری اپنے فرائض ادا کرتے ہوئے اسکے تحفظ اور استحکام کے لئے کمر بستہ ہو ۔

خدانخواستہ ہماری ناقدری ہمیں مزید مشکلات سے دوچار نہ کردے ۔

یہ کتاب اسی درد کے ساتھ مرتب کی گئی ہےتاکہ نئی نسل کو معلوم ہو کہ پاکستان کسی فدوی کی درخواست پر نہیں بنا دیا گیا ۔ بلکہ اس کے لئے اہل علم اور عوام الناس نے جو بے مثال قربانیاں دی ہیں ۔ اُنکی چند جھلکیاں دکھائی جائیں اور ہم میں سے ہر شخص اس بات کا احساس رکھے کہ ہمارا ملک پاکستان عظیم نعمت ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5913054322048231/923450345581