اولیائے ملتان ومشائخ کا تذکرہ

ملتان تاریخ کے ہر دور میں علمی اور تہذیبی اعتبار سے سربلند رہا ہے ۔ خصوصاً مسلم دور تاریخ ملتان کا ایک روشن باب ہے ۔

مسلم عہد میں ملتان اپنے مدارس و بیش بہا کتب خانوں، خانقاہوں، مسجدوں اور نامور علماء اور حکماء کی وجہ سے عالمگیر شہرت کا حامل بن گیا ۔ اس لئے نامور مؤرخوں اور تذکرہ نگاروں نے باب العلوم ملتان کا ذکر بڑی عقیدت و احترام سے کیا ہے ۔

اس کتاب کے مصنف قاری محمد اسحاق ملتانی لکھتے ہیں کہ یہ کتاب اس لحاظ سے بالکل منفرد ہے کہ اس میں اکابر علمائے حق اہلسنت والجماعت کی شخصیات کا تذکرہ کیا جارہا ہے ۔ اس موضوع پر بعض غیر مستند کتب بھی مشہور ہو گئی ہیں ۔

اس کتاب میں تاریخی مباحث پر توجہ دینے کی بجائے اس امر پر زیادہ فکر کی گئی ہے کہ اولیائے کرام رحمہم اللہ تعالیٰ کے مختصر حالات کے ساتھ انکے ایمان افروز واقعات، دلچسپ حکایات اور نصیحت آموز باتیں جو مل سکیں وہ دئیے جائیں ۔

ملتان اپنی تاریخی قدامت کے ساتھ اولیائے کرام رحمہم اللہ تعالیٰ کے حوالے سے ممتاز اور منفرد رہا ہے ۔ اور اگر اسکے ساتھ ساتھ ملتان کےگردونواح کے بزرگان دین کا تذکرہ بھی شامل کرلیا جائے تو سینکڑوں ہزاروں تک تعداد جا پہنچتی ہے ۔

یہ کتاب در اصل دو حصوں پر مشتمل ہے حصہ اول میں قدیم اولیائے کرام کا تذکرہ ہے ۔ جبکہ حصہ دوم میں ماضی قریب کے اولیاء و مشائخ کا تذکرہ ہے ۔ ہر پھول کی اپنی  اپنی خوشبو اور اپنی اپنی مہک ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5805428116215229/923450345581