اولیائے حرمین

Description

مصنف قاری محمد اسحاق ملتانی لکھتے ہیں کہ میرے دل میں یہ داعیہ پیدا ہوا کہ برصغیر پاک و ہند کے وہ خوش نصیب حضرات جو مکہ مکرمہ کے عظیم قبرستان جنت المعلیٰ اور مدینہ منورہ کے بابرکت قبرستان جنت البقیع میں دفن ہوئے ہیں ۔ ایسے تمام حضرات کے تذکرہ کو جمع کردیا جائے ۔

اولیائے حرمین میں جنۃ المعلیٰ اور جنۃ البقیع میں مدفون خوش نصیب حضرات کے تذکرہ کے دوران یہ خیال بھی ہوا کہ ان فوت شدگان کے فیوض و برکات میں کوئی شک نہیں لیکن حرمین شریفین میں موجود اکابرِ برصٖغیر کا تذکرہ بھی دے دیا جائے تاکہ مقامی حضرات کے علاوہ حج پر جانے والے حضرات بھی استفادہ کریں ۔

بعض ایسے اکابر جنہوں اپنی زندگی کا ایک لمبا حصہ حرمین شریفین میں گزارا لیکن وفات وہاں نہ ہوئی تو ایسے حضرات کو بھی ضمناً طویل قیام کی سعادت حاصل کرنے والوں کے تحت ذکر کردیا ہے ۔

اس کتاب کی ترتیب میں حضرت مولانا اللہ وسایا صاحب شاہین ختم نبوت، قاری ادریس صاحب ہوشیار پوری رحمہ اللہ تعالیٰ اور محترم ڈاکٹر طاہر جمیل صاحب نے علمی وقلمی معاونت اور مشاورت سے نوازا ۔

نیز اس کتاب میں جنت البقیع میں دفن صحابہ کرام وصحابیات علیہم الرضوان کے ناموں کی فہرست بھی دی گئی ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5912239615505985/923450345581

Additional information