حضرت عیسیٰ علیہ السلام کی ابلیس سے ملاقات
حضرت عیسیٰ علیہ السلام کی ملاقات ابلیس سے ہوئی…. وہ چار گدھوں کو ہانک رہا تھا…. ان گدھوں پر سامان لداہوا تھا….۔
حضرت عیسیٰ علیہ السلام نے ابلیس سے ان گدھوں کے ہانکنے اور سامان کے بارے میں پوچھا….۔
ابلیس نے جواب میں کہا کہ تجارت کا سامان ان گدھوں پر لدا ہوا ہے…. اور خریدنے والوں کی تلاش کررہا ہوں….۔
حضرت عیسیٰ علیہ السلام نے اس کی بات سن کر پوچھا پہلے گدھے پر کیا سامان ہے؟
ابلیس نے کہا ظلم…. حضرت عیسیٰ علیہ السلام نے پوچھا اسے کون خریدے گا؟
ابلیس نے کہا بادشاہ…. دوسرے گدھے کے بارے میں پوچھا کہ اس پر کیا لدا ہوا ہے؟
ابلیس نے کہا حسد…. حضرت عیسیٰ علیہ السلام نے پوچھا کون خریدے گا؟
شیطان کہنے لگا…. علماء…. حضرت عیسیٰ علیہ السلام نے پوچھا تیسرے گدھے پر کیا لاد رکھا ہے؟
ابلیس نے کہا ”خیانت“ حضرت عیسیٰ علیہ السلام نے فرمایا کون خریدے گا؟
شیطان نے کہا کہ تاجر…. پھر چوتھے گدھے کے بارے میں پوچھا کہ اس پر کیا لاد رکھا ہے؟
ابلیس نے کہا ”مکروفریب“ حضرت عیسیٰ علیہ السلام نے پوچھا اسے کون خریدے گا…. شیطان نے کہا ”عورتیں….“ (المستطرف)
کتاب کا نام: ایک ہزار پرتاثیر واقعات صفحہ 53۔
ایک ہزار پُرتاثیر واقعات
عبرت و نصیحت سے بھرپور دل کی دنیا بدلنے میں اکسیر اولیاء اللہ کے ارشاد فرمودہ دلچسپ و حیرت انگیز واقعات۔
0 Comments