بادشاہوں کی رفاقت کا ادب
لوگوں نے سیاہ گوش(گیدڑ کی نسل سے تعلق رکھنے والا ایک عجیب وغریب جانور) سے پوچھا:۔
تجھ کو شیر کی ملازمت کس لئے پسند آئی….. اس نے کہا اس کے شکار کا جُھوٹا کھاتا ہوں اور دشمنوں کے شر سے اس کے دبدبہ کی پناہ میں زندگی بسر کرتا ہوں…..۔
اس سے کہا: اب تو اس کی حفاظت کے سایہ میں آ گیا ہے اور اس کی نعمت کے شکر کا اقرار کیا ہے….. تو پھر تو کیوں اُسکے نزدیک نہیں آتا تاکہ تجھ کو اپنے خاصوں کی جماعت میں داخل کرے اور تیرا اپنے مخلص غلاموں میں شمار کرے…..۔
اس نے کہا: اسی طرح میں اس کے حملہ سے بھی بے خوف نہیں ہوں…..۔
عقلمندوں نے کہا ہے‘ بادشاہوں کی طبیعت کی رنگا رنگی سے زیادہ پرہیز کرنا چاہئے کہ کبھی تو سلام کرنے سے رنجیدہ ہوتے ہیں اور کبھی گالی دینے پر خلعت دیتے ہیں….. (گلستان سعدی)
کتاب کا نام : ایک ہزار پرتاثیر واقعات 60۔
ایک ہزار پُرتاثیر واقعات
عبرت و نصیحت سے بھرپور دل کی دنیا بدلنے میں اکسیر اولیاء اللہ کے ارشاد فرمودہ دلچسپ و حیرت انگیز واقعات۔
0 Comments