والدین کی قدر کیجئے

والدین کی زندگی میں اُنکی قدر کرلیجئے ۔ قرآن و حدیث میں والدین کے حقوق کو اچھی طرح وضاحت کے ساتھ بیان کیا گیا ہے ۔ اس کتاب کے مطالعہ سے والدین کی خدمت کرنے اور اُنکی نافرمانی سے بچنے کا جذبہ پیدا ہوگا ۔

دینِ اسلام نے اولاد پر والدین کیلئے جوکچھ لازم قراردیا ہے بلا شبہ اس کی بجاآوری موجب سعادت اور اس سے روگردانی بسبب شقاوت ہے

آج کل معاشرے میں والدین کی نافرمانی بہت عام ہو گئی ہے اور اولاد کو اس پر بالکل بھی ملامت نہیں ہوتی جس سے معاشرہ بد اخلاقی کے گڑھے میں گرتا جارہا ہے ۔ اس بد اخلاقی کی اصلاح کیلئے مولانا حنیف عبدالمجید صاحب نے ایک گراں قدر خدمت ” والدین کی قدر کیجئے ” کے نام سے کتاب کی صورت میں پیش کی ہے ۔

اس کتاب میں قرآن وحدیث کی روشنی میں حقوقِ والدین کو واضح کیا گیا ہے اور100 سے زائد سبق آموز ، پُراثر اور سچے واقعات کو آسان انداز میں ذکر کیا گیا ہے ۔ اس کتاب کے مطالعہ سے دل میں والدین کی قدروقیمت میں اضافہ ہوگا اور ان کی بھر پورخدمت کرنے کا جزبہ پروان چڑھے گا ۔ والدین کی نافرمانی اور ایذارسانی کے نتیجے میں دنیا و آخرت کے وبال اور بُرے انجام کا ڈر پیدا ہوگا ۔