تصوف وطریقت

مولانا محمد عیسیٰ الہ آبادی رحمہ اللہ تعالیٰ لکھتے ہیں کہ مولانا اشرف علی تھانوی رحمہ اللہ تعالیٰ کے آخری پندرہ سال کے مطبوعہ مواعظ حصنہ اور تربیت السالک کے بیش بہا جواہرات سے میں نے اختصارا اخذ کرکے یہ کتاب ترتیب دی ہے ۔

میری غایت یہ تھی کہ مبادی تصوف کے ضروری مسائل اس کتاب کے ذریعے سے معلوم کرلئے جائیں ۔ یہ کتاب اخلاق رذیلہ کا ازالہ و تعدیل کرکے اخلاق حمیدہ کی تکمیل و تحصیل کے لئے راہبر ثابت ہوگی ۔ تربیت السالک اور مواعظ حسنہ میں ان امور یعنی اخلاق رذیلہ اور اخلاق حمیدہ سے متعلق عجیب وغریب نسخے منتشر طور پر موجود تھے مگر اُس میں سے بیش بہا نسخہ جات کو تلاش کرنے میں مبتدی طالبین کو دقت اور پریشانی کا خدشہ تھا ۔ اس لئے میں نے طالبین کی سہولت کے لئے مجرب المجرب نسخوں کو یکجا کردیا ہے ۔ گویا یہ کتاب تربیت السالک کا عطر ہے اور سالکین کے لئے نسبتاً آسان اور زیادہ مفید ہے ۔

اس کے چار ابواب ہیں ۔

پہلا باب تعلیمات کے متعلق ہے جس میں تصوف کے مبادی یعنی ضروری مسائل اور علوم ہیں جو بصیرت فی المقصود میں بے حد مؤید ہیں ۔

دوسرا باب تحقیقات کے متعلق ہے جو امور غیر اختیاریہ کی تحقیقات اور انکے عجیب وغریب معالجات پر مشتمل ہے ۔

تیسرا باب تہذیبات جس کا پہلا حصہ متضمن ہے اخلاق رذیلہ کے ازالہ اور تعدیل کے طریق پر اور دوسرا حصہ مشتمل ہے اخلاق حمیدہ کی تحصیل اور تکمیل پر ۔

چوتھا باب ارشادات سے متعلق ہے جس میں اُن علوم و مسائل متفرقہ کو بیان کیا گیا ہے جو یک گونہ سلوک و تصوف میں بصیرتِ مزید پیدا کرتے ہیں ۔

مولانا عیسیٰ الہ آبادی لکھتے ہیں کہ میرے اس مجموعہ کو خود حکیم الامت حضرت مولانا اشرف علی تھانوی رحمہ اللہ تعالیٰ نے “انفاس عیسیٰ’ کا نام دیا تھا ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/8558180210889947/923450345581