امام غزالی رحمہ اللہ تعالیٰ کی اس کتاب میں در حقیقت انسان کی باطنی اصلاح کے اصول اور طریقے پیش کئے گئے ہیں ۔

امام غزالی رحمہ اللہ تعالیٰ نے اس کتاب میں حقوق اللہ اور حقوق العباد سے متعلق جو کوتاہیاں اور خرابیاں عام طور پر انسانوں میں پائی جاتی ہیں اُنکی اصلاح کی پوری پوری کوشش فرمائی ہے ۔
چنانچہ کتاب کی ترتیب تین اقسام میں یوں ہے کہ پہلی قسم میں ظاہری اعمال کے دس اصول
دوسری قسم میں مذموم اخلاق کی تفصیل اور طہارت قلب کا بیان ہے
جبکہ تیسری قسم میں قلب کو اخلاق محمودہ کے ساتھ مزین و آراستہ کرنے کا بیان ہے ۔
اس طرح یہ کل تیس اصول ہوتے ہیں جن میں اصلاح باطنی کے سلسلہ میں اسلام کی تعلیمات کا جامع ترین خلاصہ مرتب کیا گیا ہے ۔
تبلیغ دین اصل میں امام غزالی رحمہ اللہ تعالیٰ کی کتاب الاربعین کے تین ابواب کا اردو ترجمہ ہے جو حکیم الامت حضرت مولانا اشرف علی تھانوی رحمہ اللہ تعالیٰ کے حکم پر مولانا عاشق الہی میرٹھی رحمہ اللہ تعالیٰ نے خوبصورت انداز میں کیا ہے ۔
پھر مولانا مفتی جمیل احمد تھانوی صاحب نے حواشی میں کتاب میں درج روایات کی تحقیق کی ہے اور عنوانات کا اضافہ کیا ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5671694739614417/923450345581