رسول اللہ ﷺ کے آنسو

سیرت نبوی ہر عہد کے مصنفین کا محبوب ترین موضوع رہی ہے ۔ گزشتہ چودہ سو سالوں میں اس موضوع پر اپنوں اور بیگانوں نے کتابوں کے انبار لگا دئیے ۔ اگرچہ وقائع سیرت لامحدود نہیں تھے مگر اسالیب بیان نے انکو بے پناہ تنوع عطا کیا ۔

یہ کتاب "رسول اللہ صلی اللہ علیہ وسلم کے آنسو" کے عنوان سے ترتیب دی گئی ہے ۔ نبی کریم صلی اللہ علیہ وسلم کی حیات طیبہ کے تمام احوال پر نگاہ ڈالی جائے بالخصوص مکہ اور مدینہ کی زندگی کے وقائع پر نظر دوڑائی جائے تو احساس ہوتا ہے کہ آپ صلی اللہ علیہ وسلم ایک قلب گداز کے حامل تھے ۔

زندگی کی سخت جانیوں اور مصائب وشدائد پر آپ نے تحمل، بردباری اور حوصلہ مندی کا اظہار فرمایا۔ مگر غم و الم کے وہ فطری جذبات جو گاہے بہ گاہے آنسوؤں کے ستارے بن کر مژگان رسول صلی اللہ علیہ وسلم پر چمک اٹھے اور کبھی کبھی رخ انور پر ڈھلک گئے ۔ راتوں کی تنہائی میں اور شدائد کے مقابلے میں آپ اپنے مالک کی طرف متوجہ ہوئے اور دعاؤں کی صورت میں آنسوؤں کی برسات ہوئی ۔

مگر سیرت کا ایک اعجاز یہ بھی ہے کہ آہ و بکا کی ان کیفیات نے کبھی بھی منفی رخ اختیار نہیں کیا ۔

اس کتاب میں موجود واقعات پڑھ کر آپکی آنکھوں میں بھی آنسو آجائیں گے دلوں کو موم کرنے والی کتاب ہے یہ ۔

اس کتاب کو واٹس ایپ کے ذریعے منگوانے کے لیے اس لنک کو کھولیں۔

https://wa.me/p/6244406852270362/923450345581