پراپرٹی کے مسائل و احکام

زمین و جائیداد کے کاروبار، اسکی زکوٰۃ اور ٹیکس کے شرعی مسائل و احکام پر مشتمل پہلی مرتبہ مفصل کتاب ۔
از ناشر اسلامک ریسرچ سنٹر

پراپرٹی کے مسائل و احکام

اس کتاب میں قرآن و سنت اور آثار صحابہ وتابعین سے حاصل ہونے والے شرعی اصول کی روشنی میں پراپرٹی سے متعلقہ مسائل کا حل پیش کیا گیا ہے ۔ مصنف لکھتے ہیں کہ ہمارے ہاں راولپنڈی میں ایک تجارت اور کاروبار کے متعلق لوگوں کی رہنمائی کے لئے اسلامک ریسرچ سنٹر کے نام سے ایک ادارہ قائم ہے جس میں دارالافتاء کا شعبہ بھی ہے اور اپنی بساط حد تک لوگوں کی جانب سے زبانی تحریری اور سوشل میڈیا کے ذریعے کئے جانے والے سوالات کے جوابات دئیے جاتے ہیں ۔

قرآن و سنت اور فقہ اسلامی کی روشنی میں لوگوں کی رہنمائی کی جارہی ہے ۔ ہمارے ہاں چونکہ پراپرٹی کے کاروبار سے وابستہ لوگوں کی تعداد بہت زیادہ ہے اس وجہ سے پراپرٹی کے کاروبار سے متعلقہ سوالات بہت زیادہ ہوتے ہیں ۔ ان سوالات میں ماشاء اللہ العزیز بڑی بڑی مشہور پراپرٹی کمپنیاں اور گروپ بھی شامل ہیں ۔ جن کی طرف سے مسلسل رابطہ اور ہر کام اور پروجیکٹ شروع کرنے سے پہلے اسکے بارہ میں مکمل مشاورت اور شرعی رہنمائی حاصل کی جاتی رہی ۔ ان میں خالد اعوان ایسوسی ایٹ، ثقلین مشتاق ہائٹس بطور خاص قابل ذکر ہیں ۔ انہوں نے شرعی ایڈوائزری بورڈ کی ذمہ داری مجھے سونپ رکھی ہے ۔

بہرصورت اس پورے عمل میں پراپرٹی کے کاروبار کے بارہ میں سوالات اور انکے جوابات کا ایک خاصا مواد ہمارے ہاں جمع ہوگیا ہے دوسری طرف بہت سارے کاروباری حضرات کی طرف سے یہ تقاضارہا ہے کہ ایک ایسی کتاب ہونی چاہئے جس میں پراپرٹی کے احکام جمع ہوجائیں ۔

اس کتاب میں زمین کو آباد کرنے، اجارہ و مساقاۃ، مزارعت اور ارض موات کی تفاصیل بیان کی گئی ہیں ۔ نیز پراپرٹی کی تجارت اور کاروبار کے احکام بھی بیان کئے گئے ہیں ۔
حقِ شفعہ، حق مرور، حق تسییل اور حق شرف کی بھی تفاصل ہیں ۔

جدید معاہدات، زمین کی رجسٹریشن، بکنگ اور قبضہ کی جدید صورتوں کا معاملہ بھی واضح کیا گیا ہے ۔

کمیشن، دلالی اور رئیل اسٹیٹ کا بزنس بھی پوری طرح بیان کیا گیا ہے ۔

پھر اخیر میں پراپرٹی کی زکاۃ، پراپرٹی کے ٹیکس اور ظالمانہ حکومتی ٹیکس سے بچنے کے حیلے بتائے گئے ہیں ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5847053645387799/923450345581