نقوش سیرت ڈاکٹر طہ حسین

یہ کتاب جو اس وقت پیش کی جارہی ہے، مصر کے مشہور صاحب قلم، عربی زبان کے نامور ادیب اور حکومت مصر کے ایک سابق وزیر تعلیم ڈاکٹر طہ حسین کی شہرہ آفاق عربی کتاب " علی ھامش السیرۃ" کا اردو ترجمہ ہے ۔ عربی میں یہ چھوٹے چھوٹے تین حصوں میں شائع ہوئی ہے اور اپنی بے پناہ مقبولیت کی وجہ سے بار بار شائع ہوتی رہتی ہے ۔ ہم نے اسے سہولت کے لئے دوحصوں میں شائع کرنے کا فیصلہ کیا ہے ۔ الحمدللہ اسکا پہلا اور دوسرا حصہ یکجا پیش کیا جارہا ہے ۔ یہ کتاب حسن بیان اور انداز تحریر کے اعتبار سے جدید عربی اور ادبیات میں سحر البیانی اور جادونگاری کا انمول نمونہ سمجھی جاتی ہے ۔

یہ کتاب سیرت رسول اللہ صلی اللہ علیہ وسلم کا مسلسل و مربوط بیان نہیں ہے بلکہ سیرت طیبہ سے متعلق واقعات و حوادث اور سیرت طیبہ کے پیش منظر سے چن کر بعض بعض باتوں پر ڈاکٹر طہ حسین نے اپنے دلکش اسلوب اور پر لطف عبارتوں میں منظر کشی اور جذبات نگاری کا کمال دکھایا ہے ۔ وہ اپنی تحریر میں خود اس طرح اثر پذیر دکھائی دیتے ہیں کہ پڑھنے والا متاثر ہوئے بغیر نہیں رہ سکتا ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5877291592338357/923450345581