مستند مجموعہ وظائف از مفتی نظام الدین شامزئی

قرآن و سنت اور اولیائے کرام کی دعاؤں کا نادر مجموعہ ۔ دل اور دماغ کو سکون پہنچانے والے وظائف اور عملیات

مفتی نظام الدین شامزئی رحمہ اللہ تعالیٰ کی تصدیق شدہ اس کتاب میں قرآن کریم اور احادیث مبارکہ میں وارد دعائیں اور وظائف جمع کئے گئے ہیں ۔ اگر ایک مسلمان ان دعاؤں کو اپنا معمول بنا لے تو بہت ساری پریشانیوں سے نجات ملے گی اور اس کے ساتھ ساتھ ذکر کی فضیلت بھی اسکو حاصل ہوگی ۔

علمائے کرام فرماتے ہیں کہ قرآن کریم بدنی اور ظاہری امراض کے لئے بھی شفاء ہے اور روحانی وقلبی امراض کے لئے تو شفاء ہے ہی ۔ اس لئے علمائے امت کا یہ معمول رہا ہے کہ مختلف جسمانی امراض میں قرآن کریم کی آیات یا ان ادعیہ سے جو نبی کریم صلی اللہ علیہ وسلم سے منقول ہیں علاج تجویز کرتے ہیں بلکہ خود نبی کریم صلی اللہ علیہ وسلم سے مختلف امراض کےلئے دعائیں منقول ہیں ۔

کتاب کے مصنف جناب حنیف عبدالمجید صاحب لکھتے ہیں کہ اس کتاب میں سکون بخش اور دل کو تسلی پہنچانے والے وظائف کا مجموعہ اس لئے تیار کیا گیا ہے کہ میں نے 1994 کے ایک سفر میں نیو کاسل شہر میں ایک کتاب

Peace of Mind and Contentment of Heart

کے نام سے دیکھی ۔ وہ مجھے پسند آئی اور میرے احباب نے مشورہ دیا کہ ایسی ہی ایک کتاب اردو بولنے والے بھائیوں کے لئے بھی تیار کی جائے ۔ سفر سے واپسی پر ہم نے بہت محنت سے یہ کتاب تیار کی اور پہلا ایڈیشن شائع کردیا ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5795491660533831/923450345581