مصحف – نمرہ احمد

نمرہ احمد لکھتی ہیں کہ جب میں نے قرآن مجید کو سمجھنا اور پڑھنا شروع کیا تو مجھے معلوم ہوا کہ یہ ایک زندہ جاوید کلام ہے جو کبھی پس منظر میں نہیں جائے گا ۔ یہ ہمیشہ زندہ رہے گا اور یہ کبھی پرانا نہیں ہوگا ۔

یہ ناول مصحف لکھنے کا مقصد صرف اتنا ہے کہ جس بات کو میں نے سمجھ لیا ہے اُسے میں احسن طریقے سے دوسروں تک پہنچاؤں ۔ کہانی کے ذریعے بات سمجھانا قدیم زمانوں سے رائج ایک مؤثر ترین طریقہ ہے ۔ مضمون دماغ سے پڑھے جاتے ہیں اور ناول دل سے پڑھے جاتے ہیں اسی لئے یہ دل میں جا کر بیٹھ جاتے ہیں ۔ دماغ کو بھولنے کی عادت ہوتی ہے مگر دل نہیں بھولتا ۔

میرے سے لوگ پوچھتے ہیں کہ آخر کیوں میں کہانیوں کے ذریعے دین کی تبلیغ کرتی ہوں؟۔،

میرا مدعا صاف واضح ہے کہ میں دین کی تعلیم نہیں دینا چاہتی بلکہ دنیاوی تعلیم بھی نہیں دینا چاہتی بس میرا مقصد ہے کہ ہم سب اللہ سے ہر وقت قریب رہیں ۔ اللہ کی طرف جاتا راستہ بہت طویل ہے ۔ ضروری نہیں کہ ہم اسے سارے کا سارا عبور کرلیں ضروری صرف ی ہے کہ جب ہمیں موت آئے تو ہم اس راستے پر موجود ہوں ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/6022532281101273/923450345581