حقوق العباد اور معاملات

اسلام کے اہم ترین شعبہ حقوق العباد اور خاص طور پر معاملات سے متعلق اسلامی احکام و فرائض کا مجموعہ ۔

دوسروں کے حقوق کی ادائیگی میں ہونے والی کوتاہیوں کی نشاندہی اور ان کی اصلاح کے لئے شریعت کی عام فہم تعلیمات ۔

اسلام کی تمام تعلیمات حقوق اللہ اور حقوق العباد کے گرد گھومتی ہیں ۔ یہ کتاب “حقوق العباد اور معاملات” مفتی تقی عثمانی صاحب کے افادات کا مجموعہ ہے ۔ یعنی مواعظ و خطبات ، مجالس و ملفوظات اور دیگر تالیفات سے مرتب کی گئی ہے ۔

کتاب کے شروع میں نبی کریم صلی اللہ علیہ وسلم کی وہ احادیث مبارکہ دی گئی ہیں جو حقوق العباد اور معاملات سے متعلق ہیں ۔ گویا یہ حدیثیں کتاب کا متن ہیں اور باقی کتاب ان احادیث کی تشریح ہے ۔

آج کل معاشرہ میں حقوق کی ادائیگی کے سلسلہ میں جو حق تلفیاں ہورہی ہیں اُنکی نشاندہی پر مشتمل یہ کتاب فرد سے معاشرہ تک کی اصلاح کرتی ہے ۔ یہ ایک مکمل نصاب ہے جو ہر مسلمان کو اسلامی تعلیمات کا آئینہ دکھا کر اپنی اصلاح کی طرف متوجہ کرتی ہے ۔