حیات حکیم العصر

مؤلف محمد عمیر شاہین مدیر جامعہ محمدیہ حنفیہ میلسی لکھتے ہیں کہ ایک دن حضرت حکیم العصر رحمہ اللہ تعالیٰ کی ملاقات و زیارت کے لئے راقم الحروف اپنے مادر علمی جامعہ اسلامیہ باب العلوم کہروڑ پکا آیا ہوا تھا ۔ جامع مسجد میں حضرت استاذ جی کی معیت میں نمازِ عصر ادا کی۔ نماز سے فارغ ہونے کے بعد جب مسجد سے باہر نکلنے لگے تو استاذ جی کے دائیں جانب شیخ منیر احمد منور صاحب تھے اور بائیں طرف یہ ناچیز تھا ۔

استاذ جی نے اپنے مخصوص انداز میں فرمایا کہ ایک بہت بڑے امام گزرے ہیں جو امام مالک رحمہ اللہ تعالیٰ کے پایہ کے مجتہد تھے اِنکے بارہ میں لکھا ہے کہ انکے اصحاب نے انہیں ضائع کردیا ۔ آپ تو ایسا نہیں کرو گے ؟

راقم الحروف لکھتے ہیں کہ میں نے اُسی دن سے دل میں طے کرلیا تھا کہ ساری زندگی اپنے شیخ کے افکار و علوم کو محفوظ کرنے اور اشاعت میں صرف کردوں گا ۔

اس کتاب کی تیاری میں بڑا مآخذ حضرت حکیم العصر کے خطبات، مجالس اور شیخ الحدیث حضرت مولانا منیر احمد منور صاحب مدظلہ تلامذہ اجل حضرت حکیم العصر رحمہ اللہ تعالیٰ اور خود یہ ناچیز ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5954392514580967/923450345581