فرض نمازوں کے بعد اجتماعی دعاء

فرض نمازوں کے بعد ہاتھ اٹھا کر اجتماعی دعاء سے متعلق احادیث، آثار صحابہ، فقہ اسلامی اور سلف صالحین کے اقوال ۔

اسلامی اداؤں اور آرزؤں کا حسین وجمیل انداز “دعا” ہے ۔ دعا خواہ اخروی سرفرازی وکامرانی کے لئے ہو یا دنیوی اغراض و مقاصد کے لئے ہو، خواہ شاہ وگدا کی ہو یا انبیاء و مرسلین کی ہو سب دعاؤں کا ملجا و ماویٰ ایک ہی ہے ۔ سب کا داتا اور سب کو دینے والا صرف ایک ہی ہے ۔

فرض نمازوں کے بعد ہاتھ اٹھا کر اجتماعی وانفرادی دعا کا پاکیزہ عمل عہد صحابہ سے اب تک تواتر کے ساتھ جاری و ساری ہے ۔ ائمہ کرام، محدثین عظام، مفسرین و فقہائے کرام، اور علماء و مشائخ ومفتیان امت سب ہی اسکے مسنون و مستحب اور محبوب و مرغوب عمل ہونے کے قائل اور فاعل تھے ۔

مصنف مولانا عبدالمعبود نے علمی و تحقیقی کتابوں سے دلائل اور اثبات جمع کئے ہیں ۔ اس کتاب میں پوری کوشش کی گئی ہے کہ حوالہ جات کے نقل و اخذ میں پوری احتیاط کی جائے ۔ تاہم سہو ولغزش انسان کے خمیر میں شامل ہے ۔

یہ کتاب بڑی محنت شاقہ کے بعد احادیث و آثار، محدثین و مفسرین، فقہائے کرام کی آراء اور بالخصوص عمائدین واکابرین دیوبند جن کا علم و زہدو وتقویٰ اور فہم و فراست مینارہ نور اور سنت نبوی کا عکس جمیل گردانا جاتا ہے ۔ یہ کتاب اکابر کے ارشادات، تعامل، فتاویٰ اور مباحث پر مبنی علمی و تحقیقی دستاویز ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5816955931693104/923450345581