برکات دعاء

دعا کی برکت اور اہمیت پر پہلی مفصل کتاب ۔ اس میں دعا کے متعلق قرآنی تعلیمات و ہدایات شامل کی گئی ہیں ۔

پسند فرمودہ: شیخ الاسلام حضرت مولانا مفتی محمد تقی عثمانی مدظلہ العالی ۔

خیر القرون سے تاہنوز اسلاف و اکابر اور صلحاء کی زندگی میں دعا کا عنصر غالب نظر آتا ہے ۔ حکیم الامت حضرت مولانا اشرف علی تھانوی رحمہ اللہ تعالیٰ نے قرآن و حدیث کی مستند دعاؤں پر مشتمل “مناجات مقبول” مرتب فرمائی ۔ ہر بزرگ کے دعا کے مختلف انداز ہوتے تھے ۔

مرتب قاری محمد اسحاق ملتانی لکھتے ہیں کہ دعا کے فضائل و احکام پر عربی اردو میں مختصر رسائل سے لے کر ضخیم کتابوں تک دستیاب ہیں ۔ ان میں سے ہر ایک اپنی جگہ آفتاب و ماہتاب ہے لیکن کچھ عرصہ قبل حضرت مولانا فضل الرحیم اشرفی صاحب نے بندہ کے پاس مولانا محمد ایوب سورتی کی مرتب کردہ کتاب “برکات دعا” ارسال فرمائی ۔ اس کتاب کو پڑھ کر مجھے خواہش ہوئی کہ اسکی تسہیل و تلخیص کردی جائے تاکہ عامۃ المسلمین کے لئے استفادہ کی آسان صورت سامنے آجائے ۔ میں نے اس کتاب کی ہر فصل کی تلخیص کردی ہے ۔ نیز عنوانات اور مضامین میں تسہیل و پیراگرافی کا کام بھی کردیا ہے ۔ آخر میں اضافہ مفیدہ کے طور پر چند اہم چیزوں کا اضافہ بھی کردیا ہے ۔

شیخ الاسلام حضرت مولانا مفتی محمد تقی عثمانی صاحب اس کتاب کے بارہ میں لکھتے ہیں کہ اس موضوع پر اس سے زیادہ مفصل کتاب اردو میں پہلے کبھی نہیں دیکھی گئی ۔ دل سے دعا کرتا ہوں کہ اللہ تعالیٰ اس کتاب کو نافع اور مقبول بنائیں ۔ آمین ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5894731630579319/923450345581