اکابرین دیوبند کے واقعات وکرامات

اکابرین علمائے دیوبند جو دنیائے اسلام میں عظیم قائد اور عظیم انقلابی رہنما بن کر ابھرے اور یہ لوگ ہمیشہ عالمی طاغوتی قوتوں کی آنکھوں میں کھٹکتے رہے ۔ انہوں نے ملک و ملت کے لئے اپنا تن من دھن قربان کردیا ۔ انہوں نے فرنگی سامراج کی بیخ کنی کے لئے ہندوستان کی آزادی کا سب سے بڑا منصوبہ بنایا ۔

درحقیقت دارالعلوم دیوبند ہی وہ مبارک مرکز ہے جس نے غلامی کے گھٹا ٹوپ اندھیروں میں غلامان ہندوستان کے اندر آزادی کی روح پھونکی ۔ انکی دینی، ملی غیرت و حمیت کو بیداری بخشی ۔ غلام ہندوستان کے بے بس انسانوں کو آزادی کی نعمت سے ہمکنار کیا اور بھنور میں پھنسے ہوئے مسلمانوں کو ساحل پر لگایا ۔

یہ اکابرین دیوبند ہی تھے جنہوں نے کفر و شرک، رسم و رواج کے جکڑے ہوئے مسلمانوں کو توحید و سنت کا درس دے کر صراط مستقیم پر گامزن کیا ۔

الغرض دارالعلوم دیوبند کے ماحول میں بڑے بڑے اولیاء اللہ، اتقیاء، علماء، مجاہدین، ملک و ملت کے خیرخواہ اور غمخوار لیڈر، ملک وقوم پر سب کچھ نچھاور کردینے والے قائدین، بڑے بڑے مصنفین، اطراف عالم میں دین اسلام پہنچانے والے مبلغین، قرآنی علوم کے ماہر مفسرین، حدیث پاک کو سمجھنے والے نامور محدثین، دینی مسائل پر عبور رکھنے والے فقہائے کرام، عالمی حالات کا ادراک رکھنے والے دانشور، مخالفین اسلام کی زبانیں بند کرنے والے متکلمین، دلوں کی دنیا بدلنے والے صوفیاء اور ظلم و ستم کے بڑھتے ہوئے ناسور کا قلع قمع کرنے والے مجاہدین پیدا ہوئے ۔

اس کتاب میں آپکو سینکڑوں واقعات و کرامات نظر آئیں گی جو پڑھ کر عقیدت اور محبت میں اضافہ کا سبب بنیں گی ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5597747490345946/923450345581