سیلاب متاثرین کی مدد کون کریگا؟

سیلاب متاثرین کی مدد کون کریگا؟

آج کل ملک کے طول و عرض میں سیلابی کیفیت نے بے شمار گھروں کو اجاڑ دیا ہے۔ کچے مکان بہہ گئے، پکے گھروں کی دیواریں بیٹھ گئیں، کھیت کھلیان ڈوب گئے، مویشی ہلاک ہوئے، روزگار کے وسائل رُک گئے اور سب سے بڑھ کر غریب طبقہ — جو پہلے ہی تنگی میں تھا — مزید آزمائش میں آگیا۔ یہ منظر دل دہلا دیتا ہے؛ مگر ایسے ہی وقت میں قومیں اپنا تعارف دیتی ہیں کہ وہ صرف جذباتی نعروں کی قوم ہیں یا کردار اور عمل کی ۔ یہاں بنیادی نکتہ یہ ہے کہ سیلاب متاثرین کی مدد صرف این جی اوز، ویلفیئر ٹرسٹس یا کسی ایک مخصوص طبقے کا کام نہیں، بلکہ ہر صاحبِ ایمان، ہر باشعور پاکستانی کی اپنی ذمہ داری ہے۔

قرآن مجید نے بار بار اہلِ ایمان کو ایک دوسرے کا سہارا بتایا، اور نبی کریم صلی اللہ علیہ وسلم نے اُمت کو ایسا جسد قرار دیا جس کے ایک حصے کو تکلیف ہو تو سارا جسم بے چین ہوجاتا ہے ۔ لہٰذا پہلی بات یہ طے کیجئے کہ میں اور آپ ہم سب اپنی اپنی استطاعت کے مطابق اس درد میں شریک ہوں گے۔ اگر آپ کے پاس سواری ہے، چند دوست ہیں، اور نیت خالص ہے تو سب سے قریب ترین متاثرہ بستی کا رخ ضرور کیجئے ۔ حالات دیکھئے، بزرگوں اور مقامی لوگوں سے حال احوال لیجئے، ضرورت کی نوعیت سمجھئے اور پھر اتنا کیجئے جتنا کر سکتے ہیں۔

یہ وہ عمل ہے جو کاغذی ہنگامہ نہیں، حقیقی خدمت ہے۔ دوسرا فریم ورک اُن لوگوں کے لیے ہے جو پہنچ نہیں سکتے۔ وہ تحقیق کے بعد مستند لوگوں کے ہاتھ میں عطیہ رکھیں، رقم بھیجیں، سامان پہنچائیں، اپنی محفلوں میں تذکیر کریں، اپنے بچوں کو اس جذبۂ ایثار سے روشناس کرائیں۔ آج اور اس وقت کا مرکزی سبق یہی ہے کہ سیلاب متاثرین کی مدد ہمارے ایمان، ہماری شرافت اور ہماری قومی غیرت کا معیار ہے ۔ اس میں تاخیر نہیں، عمل کی ضرورت ہے۔

مدد کیسے کرنی ہے؟

بات صرف ہمدردی کی نہیں، حکمت کی بھی ہے۔ امداد پہنچانے نکلیں تو پہلے درست اطلاعات ضرور حاصل کرلیں ۔  کون سی بستی پانی میں گھری ہے، کس جگہ رسائی ممکن ہے، کون سا راستہ محفوظ ہے، کہاں خواتین و بچوں کی فوری ضروریات ہیں۔ چھوٹی مگر مضبوط ٹیم بنالیں جس میں ایک دو بندے بھی ہوں تو کافی ہے، ایک بندہ خالصتاً رابطہ اور کوآرڈینیشن دیکھے، ایک خریداری کی فہرست سنبھالے، ایک تقسیم کی ترتیب بنائے اور ایک مختصر سی میڈیا/دستاویزی نوٹنگ کرے تاکہ دوبارہ آنے والوں کو معلومات ملیں۔

اپنا امدادی بیگ پوری سوچ بچار کرکے تیار کریں۔ آٹا، دال، گھی، چاول، نمک، چینی، دودھ پاؤڈر، موم بتّی/ٹارچ، ماچس، بلیچ/کلورین ڈرپس، سینیٹری نیپکن، ڈائپرز، پانی صاف کرنے کے پیکٹس، اور ہلکی گرم چادریں۔ خیمہ نہ ہو تو ترپال اور رسی، بارش سے عارضی پناہ میں کارآمد ہیں۔ خواتین کے لیے پردہ و احترام کا خاص اہتمام، قطار اور ترتیب والی تقسیم، بزرگوں کو ترجیح، اور بچوں کے لیے خشک بسکٹ یا کھجور جیسی فوری توانائی ۔ یہ سب چھوٹی چھوٹی چیزیں آپ کی خدمت کو باوقار بناتی ہیں۔
یاد رکھیے: “من نفَّس عن مؤمنٍ کُربةً من کُرَب الدنیا نفَّس اللہُ عنہ کُربةً من کُرَب یوم القیامہ”
یعنی جو کسی مسلمان کی دنیا کی پریشانی دور کرے، اللہ اس کی آخرت کی بڑی گھبراہٹ دور فرماتا ہے۔

اس حدیث پر عمل کرنے کا یہ سب سے بہترین وقت ہے ۔ آپ اپنی زبان، اپنے وقت، اپنی جیب اور اپنے جسد کی طاقت سے “سیلاب متاثرین کی مدد” کریں۔ اور یہ بھی نہ بھولیے کہ امداد دکھاوے کے شور کی محتاج نہیں؛ خاموشی، احترام اور عزتِ نفس کے ساتھ دی گئی چھوٹی سی مدد بھی بڑے بڑے کارنامون سے بڑھ جاتی ہے ۔

ہر شخص میدان میں نہیں جا سکتا۔ کچھ کی مجبوریاں ہیں، کچھ دُور رہتے ہیں۔ اگر آپ گھر یا شہر میں ہیں تو پہلے قابلِ اعتماد ذرائع جانچیں، جن تنظیموں یا افراد پر حقیقی اعتماد ہو اُن کی فہرست بنائیں ۔ اُنکو نقد رقم پہنچائیں اور اُنکے ساتھ رابطہ کریں ۔ پھر اپنی گلی، محلے، دفتر، کلاس یا آن لائن حلقے میں چھوٹی مگر مستقل چندہ مہم چلائیں۔ اگر کوئی تنظیم کو رقم دے رہے ہیں تو اُن سے رسیدیں، تصویری شواہد یا مختصر رپورٹ ضرور مانگیں تاکہ آپکی رقم صحیح جگہ پر پہنچ جائے اور ادارہ کے ریکارڈ میں شامل ہوجائے ۔ یاد رکھیں رسید کا مطالبہ اخلاص کے منافی نہیں ہۓ بلکہ یہ ضروری ہے تاکہ صحیح مصرف تک آپ کی رقم پہنچ جائے ۔ زکوٰۃ، صدقہ، نذر و نیاز سب کا درست مصرف اسی نازک وقت میں سامنے آتا ہے، البتہ زکوٰۃ کے مصارف کی شرعی حدود ذہن میں رکھنا ضروری ہے؛ مستحقین تک براہِ راست یا قابلِ اعتماد ہاتھوں سے پہنچائیے۔

چھوٹا چندہ بھی مسلسل ہو تو بڑا اثر ڈالتا ہے: اگر پچاس لوگ روزانہ سو سو روپے دیں تو چند دن میں قابلِ ذکر رقم بن جاتی ہے جس سے کئی سو افراد کی مدد ہوسکتی ہے ۔ اپنے حلقے میں ایک “ٹرسٹ بیسڈ” واٹس ایپ گروپ بنا کر ہفتہ وار اپڈیٹس دیجئے، کل کے خرچ، آج کے حصول، اور کل کے ہدف کی گنتی واضح رکھیے۔ اس طرح اگر آپ سیلاب زدہ
علاقے میں جا نہیں سکتے پھر بھی آپکو جانے کا ثواب یا بلکہ اس سے بھی زیادہ ثواب مل جائے گا ۔

خدمت خلق کا اصل طریقہ کیا ہے؟

خدمت خلق کبھی اکیلے نہیں ہوتی ۔ یہ اجتماعی کوشش سے پروان چڑھتی ہے۔ اپنی مسجد کی انتظامیہ سے ملیں، خطیب صاحب اور محلے کے معتبرین کے ساتھ ایک چھوٹی ”سیلاب متاثرین امداد کی کمیٹی“ بنالیں ۔ محلے میں راشن کی دوکان والے کو بھی اس میں شامل کریں اور اُس سے سستے میں پیکٹ بنوالیں ۔ اس کے علاوہ جس کے پاس سواری ہو یا دیگر وسائل ہوں اُن سب کو محلے میں اکٹھا کرکے رضاکارانہ طور پر شامل کرلیں ۔ خدمت خلق کا دین اسلام میں ایک پورا شعبہ ہے اور مکمل تفصیلات و ترغیبات ہیں جن کا مزید مطالعہ آپ کتاب فروش کی ویب سائٹ پر دستیاب ”خدمتِ خلق“ جیسی رہنما کتاب کو پڑھ کر حاصل کرسکتے ہیں ۔

خدمت خلق والی کتاب آرڈر کرنے کے لئے یہ لنک وزٹ کریں

یاد رکھیں ! ایمان والوں کے لیے قدرتی آفات صرف مصیبت نہیں ہوتیں بلکہ دعوت بھی ہے ۔ دعوتِ شکر، دعوتِ صبر اور دعوتِ خیر۔ اپنی حالت اسی کے مطابق دیکھ لیں ۔ اگر اللہ نے آپ کو محفوظ رکھا ہے تو یہ آپ کے لیے ایک دعوت خیر ہے کہ محفوظ جگہ سے غیر محفوظ کے لیے پل بنیں۔ خلوصِ نیت رکھیں، ریا کاری سے بچیں، عزتِ نفس کی حفاظت کریں، تقریروں سے زیادہ عمل دکھائیں۔ اپنے گھروں میں بچوں کو ایک پیٹی بنوا دیجیے جس میں وہ اپنے پسندیدہ کھلونے، کتابیں یا کپڑے ”سیلاب متاثر بچوں“ کے لیے خود چن کر رکھیں ۔ وہ جب دیں گے تو آئندہ زندگی میں اُنکو دینے کا طریقہ بھی آئے گا جو آپکے لئے صدقہ جاریہ ہوگا ۔
اپنی محفلوں میں لوگوں کو یاد دلائیں کہ نیکی کا یہ بہت بہترین موقع آیا ہے ۔ آج آپ نے متاثرین میں سے شخص کی چھت مرمت کروا دی تو کل اس گھر میں جب خوشیاں آئیں گی تو وہ ہنسی، مسکراہٹیں اور خوشیاں آپکے ایمان کو بڑھا دیں گی اور صدقہ جاریہ کا ثواب مسلسل ملتا رہے گا ۔

ایسے مواقع پر مدارس کو بھی کتابوں کی شدید ضرورت ہوتی ہے کیونکہ کئی مدارس جو دیہات اور دیگر سائیڈ علاقوں میں تھے وہاں پر قرآن مجید کے نسخے، دینی طلبائے کرام کی کتابیں اور دیگر اسلامی کتب بھی متاثر ہوئی ہیں تو ایسے موقع پر کتاب فروش کی یہ ویب سائٹ وزٹ کریں اور کتابیں خرید کر متاثرین تک پہنچائیں ۔

سیلاب متاثرین کی مدد اور کیمرے کا استعمال:۔

سیلاب کے دنوں میں تصویریں بنانے کا ایک مقصد تو یہ ہوتا ہے کہ لوگوں کو تسلی ہوجائے کہ سیلاب زدہ علاقوں میں کام ہورہا ہے تاکہ دور دراز کے لوگ جو پریشان ہیں وہ مطمئن ہوجائیں اور مختلف تنظیمات کی امداد کرنے میں بھی بھروسہ اور اعتماد قائم ہوجائے ۔ مگر یاد رکھیں کہ کسی بھی انسان کی تصویر واضح نہ کریں کیونکہ یہ دل کو تکلیف دینے والی بات ہے ۔ عزت نفس کو اچھالنے والی بات ہے اور اس طرح ثواب سے زیادہ گناہ ک ااندیشہ ہوجاتا ہے ۔ اپنی  ڈاکومنٹیشن کے لئے تصویریں بنا سکتے ہیں مگر پرائیویسی اول درجہ پر رکھیں ۔  چہروں کے بغیر، دور سے، یا صرف سامان/رسید/لوکیشن کے اسنیپ شاٹس بنائیں ۔ رپورٹ لکھیے—آج کتنا خرچ ہوا، کل کی ضرورت کیا ہے، اگلا ہدف کیا ہے۔ یہ سارا نظم شفاف حساب کتاب کے لئے ضروری ہے ۔

خلاصہ مضمون:۔

اس پورے مضمون میں ہم نے آپکو خوب ترغیب دے دی کہ لوگوں کی امداد کرنا ہم سب کا کام ہے ۔ یہ کسی این جی او، کسی خاص تنظیم یا ٹرسٹ وغیرہ کے ذمہ سمجھ کر خود کو بے فکر کرلینا ایک مسلمان کا شیوہ نہیں ہے ۔ بالخصوص اگر آپ کتابوں کا ہدیہ کرنا چاہتے ہیں تو کتاب فروش کی خدمات آپکے لئے پیش پیش ہوں گی ۔ ہمارا واٹس ایپ چینل اس لنک پر جوائن کرلیں ۔

https://www.whatsapp.com/channel/0029Va8DVbVDJ6Gv14hs2b2P

 Ya phir KitabFarosh online Bookstore pe Books ki Mukammal fehrist daikhny k liye yeh link Visit kr lijiye.

 https://kitabfarosh.com/fehrist