حفاظت ایمان

اللہ تعالی کی نعمتوں میں سب سے بڑی نعمت ایمان کی دولت ہے۔ اس کی حفاظت ہر مسلمان کا محبوب فرض ہونا چاہیئے۔ بعض اکابر اولیاء کرام سے منقول ہے کہ جو شخص مغرب کے بعد کی دوسنتوں میں سے پہلی رکعت میں سورۃ الفاتحہ کے بعد سورۃ الفـلـق اور دوسری رکعت میں سورۃ الفاتحہ کے بعد سورۃ الناس ہمیشہ پڑھا کرے تو اس کا ایمان بھی محفوظ رہے گا۔ اور خاتمہ ایمان پر ہوگا۔

حضرت امام ابوحنیفہ رحمۃ اللہ علیہ نے فرمایا کہ جو شخص ایمان کی دولت میسر آنے پر ہمیشہ خدائے تعالی کا شکر یہ ادا کرتا رہے گا ، اس کا ایمان بھی محفوظ رہے گا اور خاتمہ ایمان پر ہوگا۔ بلکہ خدائے تعالی کے وعدہ کے مطابق کہ “لئن شكرتم لأزيدنكم” کہ اگر تم ہماری نعمتوں کا شکر ادا کروگے تو ہم ان نعمتوں میں اضافہ کر دیں گے۔

خدائے تعالی کے اس وعدے کے مطابق ایمان میں قوت اور ایمانی کاموں میں برکت ہوگی ۔انشاءاللہ۔

کتاب کا نام: گنجینہ اسرار
صفحہ نمبر: 15

گنجینہ اسرار

اکابرین اولیاء اللہ میں سے مولانا انور شاہ کشمیری صاحب رحمہ اللہ تعالیٰ کے خصوصی مجربات، مؤثر عملیات اور زود اثر اوراد و وظائف کا مجموعہ ۔ از : مظفر الحسن قاسمی ۔

₨ 350.00

Shop now