کھیت اور باغ میں چوہے نہ لگنے کا مجرب عمل
حکیم الامت حضرت مولانا اشرف علی تھانوی رحمہ اللہ تعالیٰ فرماتے ہیں:۔
ایک شخص نے مجھ سے کھیت میں چوہے نہ لگنے کاتعویذ مانگا۔
میں نے اس سے کہا کہ پانچ کلہیاں (مٹی کے برتن ) لے آؤ… میں نے ان پانچوں میں یہ آیت لکھ کررکھ دی..۔
وَقَالَ الَّذِیْنَ کَفَرُوْا لِرُسُلِھِمْ لَنُخْرِجَنَّکُمْ مِنْ اَرْضِنَآ اَوْلَتَعُوْدُنَّ فِی مِلَّتِنَا ۔ فَاَوْحٰی اِلَیْھِمْ رَبُّھُمْ لَنُھْلِکَنَّ الظّٰلِمِیْنَ وَلَنُسْکِنَنَّکُمُ الْاَرْضَ مِنْ م بَعْدِھِمْ..۔
اوراس سے یہ کہہ دیا کہ چار تو چاروں کونوں پر گاڑدینا ….اورایک بیچ کھیت میں ذرا اونچی جگہ گاڑدینا… جہاں پیر نہ پڑے… بس اسی دن سے چوہے لگنابندہوگئے ..۔یہ حضرت حاجی امدادا للہ صاحب کی اجازت کی برکت تھی… (ملفوظات )
فرمایا ایک مرتبہ ایک کاشتکار نے مجھ سے کہا کہ میرے کھیت میں چوہے بہت پیدا ہوتے ہیں اوربڑا نقصان پہنچاتے ہیں … اس لئے کوئی تعویذ دے دیں … حضرت نے پانچ پرچوں پرقرآن کے یہ الفاظ لکھ دیئے..۔
۔‘‘ لَنُھْلِکَنَّ الظَّالِمِیْنَ ’’… اورفرمایا کہ ان کوکسی مٹی کی کلہیا یاڈبہ وغیرہ میں بند کرکے ایک کھیت کے بیچ میں اورچار چاروں کونوں میں دفن کردیں… ( مجالس حکیم الامت)
کتاب کا نام: مجربات اکابر
صفحہ نمبر: 192 – 193
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔