شادی کی تقریب کے کھانے کا حکم

شادی کی تقریب کے کھانے کا حکم (ملفوظات شیخ الاسلام حضرت مولانا مفتی محمد تقی عثمانی مدظلہ العالی)۔

ایک خادم نے سوال کیا کہ نکاح کے بعد جو کھانا ہوتا ہے یہ سنّت تو ہے نہیں۔ اس میں جانا جائز ہے کہ ناجائز؟ حضرت نے فرمایا کہ بتائیے، اگر آپ کے گھر مہمان آتے ہیں تو آپ ان کو کھانا کھلاتے ہیں کہ نہیں؟پھر فرمایا کہ یہ بات سمجھنے کی ہے کہ ہر وہ کام جو سنّت نہ ہو خود بخود ناجائز نہیں ہو جاتا، جب تک کہ اس کے ناجائز ہونے کی کوئی اور وجہ نہ ہو۔ مثلاً یہ کہ شادی کے دن لڑکی والے جو کھانا کھلاتے ہیں اس کو عام طور سے کوئی بھی شرعاً ضروری یا سنّت نہیں سمجھتا۔ ہاں اگر کوئی یہ سمجھنے لگے کہ یہ شرعاً ضروری ہے یا سنّت ہے تو پھر یہ بدعت ہو جائے گی۔

یہ ملفوظات حضرت ڈاکٹر فیصل صاحب نے انتخاب فرمائے ہیں ۔