عکس – عمیرہ احمد

عمیرہ احمد نے اس ناول کے انتساب میں لکھا ہے :”جنسی زیادتی کا شکار ہونے والے ان تمام بچوں کے نام جو اپنی زندگی کی تاریکی میں رہنمائی کی روشنی ڈھونڈ رہے ہیں”۔

لکھتی ہیں :”یہ میرا ناول مخصوص طرز تحریر کی کہانی نہیں ہے ۔ اس میں کسی مذھبی بحث کا ذکر نہیں ۔ شاید یہی وجہ ہے کہ میرے مخصوص طرز تحریر کے عادی قارئین کو یہ کہانی پڑھنا، پسند کرنا اور ہضم کرنا مشکل ہوجائے ۔

۔”عکس” میری پسندیدہ ترین تحریروں میں سے ایک ہے اور اسکی وجہ وہ مرکزی کردار ہے جس کے نام پر یہ ناول کا نام رکھا گیا ہے ۔

کسی بھی رائٹر کے لئے سب سے بڑا چیلنج یہ ہوتا ہے کہ وہ ایک عادت کی طرح صرف اُن موضوعات کا انتخاب نہ کرتا رہے جن پر اُسے داد ملتی رہے ۔ ایسے معاملات پر بھی بات کرنا ضروری ہے جن پر لوگوں کی روایتی سوچ، یقین، رائے اور نقطہ نظر کو چیلنج کیا جا سکے ۔ اور اس عمل کے دوران تنقید کی بوچھاڑ اور انبار کا سامنا کیا جائے ۔

عکس ، روایات کو چیلنج کرنے والی ایسی ہی ایک کہانی ہے جو سوچ کی تبدیلی کے لئے نہیں لکھی جارہی بلکہ بحث کا آغاز کرنے کے لئے لکھی گئی ہے ۔

یہ ناول ایک پہیلی کی طرح ہے ۔ آپ اس پہیلی کو نہیں بوجھ سکتے ۔ اگر آپ نے پہیلی بوجھ لی تو پھر یہ ناول ختم کئے بغیر رہ نہیں سکیں گے ۔ تو آئیں “عکس” کے ونڈر لینڈ میں چلیں اور نئی جہتیں کھوجیں ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5790596624363913/923450345581