درود شریف واجب ہونے کی دلیلیں

Barakat e Darood Shareef

درود شریف واجب ہونے کی دلیلیں
ہر دفعہ حضور صلی اللہ علیہ وآلہ وسلم کے نام پر درُود کے واجب ہونے کے دلائل

جو لوگ کہتے ہیں کہ جب بھی رسول اللہ صلی اللہ علیہ وآلہ وسلم کا نام آئے درود پڑھنا واجب ہے ۔
انہوں نے اس حدیث سے استدلال کیا ہے کہ حضرت ابوہریرہ رضی اللہ عنہ کی روایت میں آیا ہے رسول اللہ صلی اللہ علیہ وآلہ وسلم نے فرمایا اس شخص کی ناک خاک آلود ہو جس کے سامنے میرا تذکرہ آیا ہو اور اس نے مجھ پردرُود نہ پڑھی ہو اور اس شخص کی ناک خاک آلود ہو کہ اس پر رمضان آ کر گزر بھی جائے اور اس کی مغفرت نہ ہو۔
اور اس شخص کی ناک خاک آلود ہو کہ اس کے ماں باپ یا دونوں میں سے ایک اس کی زندگی میں بوڑھے ہو جائیں ۔اور اس شخص کے جنت میں داخلہ کا ذریعہ نہ بنیں (یعنی بیٹا بوڑھے ماں باپ کی خدمت نہ کرے اس لئے وہ ناراض رہیں اور یہ شخص جنت سے محروم ہو جائے) رواہ الترمذی و ابن حبان فی صحیحہ۔
۔2۔ حضرت جابر بن سمرہ کی روایت ہے کہ رسول اللہ صلی اللہ علیہ وآلہ وسلم نے فرمایا جس کے سامنے میرا ذکر کیا جائے اور وہ مجھ پر درُودنہ پڑھے اور دوزخ میں چلاجائے اللہ اس کو دور رکھے۔
۔3۔ حضرت ابن عباس کی مرفوع حدیث ہے کہ رسول اللہ صلی اللہ علیہ وآلہ وسلم نے فرمایا میرے پاس جبرئیل علیہ السلام آئے (اور انہوں نے کہا) جس شخص کے سامنے آپ کا تذکرہ ہو اور وہ آپ پر درُود نہ پڑھے اور (اس وجہ سے) دوزخ میں داخل ہو جائے پس اللہ اس کو دور رکھے۔ یہ دونوں حدیثیں طبرانی نے نقل کی ہیں۔
۔4۔ ابن سنی نے حضرت جابر کی مرفوع حدیث ان الفاظ کے ساتھ نقل کی ہے کہ حضور صلی اللہ علیہ وآلہ وسلم نے فرمایا جس کے سامنے میرا ذکر ہوا اور اس نے مجھ پر درود نہیں پڑھی وہ بد نصیب ہو گیا۔
۔5۔ حضرت علی رضی اللہ عنہ راوی ہیں کہ رسول اللہ صلی اللہ علیہ وآلہ وسلم نے فرمایا جس کے سامنے میرا ذکر آئے اور وہ مجھ پر درُود نہ پڑھے وہ بخیل ہے۔ رواہ الترمذی۔ ترمذی نے اس حدیث کو حسن صحیح غریب کہا ہے امام احمد نے یہ حدیث حضرت امام حسین رضی اللہ عنہ کی روایت سے بیان کی ہے۔
۔6۔ طبرانی نے اچھی سند کے ساتھ حضرت امام حسین کی مرفوع روایت اس طرح بیان کی ہے جس کے سامنے میرا تذکرہ آیا اور اس سے مجھ پر درُود پڑھنی چھوٹ گئی اس سے جنت کا راستہ چھوٹ گیا۔
۔7۔ نسائی نے صحیح سند سے حضرت انس کی روایت سے بیان کیا ہے جس کے سامنے میرا ذکر کیا جائے اس کو چاہئیے کہ مجھ پر درُود پڑھے کیونکہ جو شخص مجھ پر (ایک بار) درُود پڑھے گا اللہ اس پر دس رحمتیں نازل فرمائے گا (یا دس بار رحمت نازل فرمائے گا)

کتاب کا نام: برکات درود شریف کے حیرت انگیز واقعات
صفحہ نمبر: 42 – 43

Written by Huzaifa Ishaq

9 November, 2022

You May Also Like…

روزے کے واجب آداب

روزے کے واجب آداب۔1۔ نماز کی پابندی۔2۔ جھوٹ اور بری باتوں سے پرہیز۔3۔ غیبت سے اجتناب۔4۔ چغلی (نمیمہ) سے پرہیز۔5۔ دھوکہ...

روزے کے مستحب آداب

روزے کے مستحب آداب۔1۔ سحری کھانا۔2۔ سحری کو تاخیر سے کرنا۔3۔ افطار میں جلدی کرنا۔4۔ کیا چیز سے افطار کرنا چاہیے؟۔5۔...

قرآن کی تلاوت کے آداب

قرآن کی تلاوت کے آدابقرآن کی تلاوت کے آداب۔1۔ اخلاص نیت۔2۔ تدبر اور خشوع کے ساتھ پڑھنا۔3۔ طہارت کا اہتمام۔4۔ جگہ کا...

روزہ کن چیزوں سے ٹوٹ جاتا ہے

روزہ کن چیزوں سے ٹوٹ جاتا ہےعلمائے کرام کے مطابق روزہ توڑنے والی چیزیں سات اقسام پر مشتمل ہیں:۔۔1۔ جماع (ہمبستری)۔۔2۔...

فطرانے کا بیان

فطرانے کا بیانزکوٰۃ الفطر کی فرضیت:۔زکوٰۃ الفطر کن پر واجب ہے؟زکوٰۃ الفطر کب واجب ہوتی ہے؟ فطرانے کا بیان دوستو !...

Subscribe To Our Newsletter

Subscribe To Our Newsletter

Join our mailing list to receive the latest news and updates from our team.

You have Successfully Subscribed!

Pin It on Pinterest

Share This

Share This

Share this post with your friends!

Share This

Share this post with your friends!