حسب منشاء بیدار ہونے کی دُعاء
حضرت عبداللہ بن عباس رضی اللہ عنہ سے ایک شخص نے کہا کہ میں دل میں ارادہ کرتا ہوں
کہ آخر رات میں بیدار ہوکر نماز پڑھوں مگر نیند غالب آجاتی ہے..۔ آپ نے فرمایا کہ:۔
جب تم سونے کے لیے بستر پر جاؤ تو سورۃ کہف کی آخری آیتیں یعنی:۔
قُلْ لَّوْ کَانَ الْبَحْرُ مِدَادًا لِّکَلِمٰتِ رَبِّیْ لَنَفِدَ الْبَحْرُ قَبْلَ اَنْ تَنْفَدَ کَلِمٰتُ رَبِّیْ وَلَوْ جِئنَا بِمِثْلِہٖ مَدَدًا ۔ قُلْ اِنَّمَآ اَنَا بَشَرٌ مِّثْلُکُمْ یُوْحٰٓیٰ اِلَیَّ اَنَّمَآ اِلٰھُکُمْ اِلٰہٌ وَّاحِدٌ فَمَنْ کَانَ یَرْجُوْا لِقَآءَ رَبِّہٖ فَلْیَعْمَلْ عَمَلًا صَالِحًا وَّلَا یُشْرِکْ بِعِبَادَۃِ رَبِّہٖٓ اَحَدًا ۔
پڑھ لیا کرو تو جس وقت بیدار ہونے کی نیت کرو گے…. اللہ تعالیٰ تمہیں اسی وقت بیدار کردیں گے… (معارف القرآن، ص:652، ج:5)
کتاب کا نام: مجربات اکابر
صفحہ نمبر: 120
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔
