تمام آفتوں سے تحفظ

ابو یعلیٰ و ابن مردویہ نے نیز شعب میں بیہقی نے حضرت انس رضی اللہ عنہ سے حضور صلی اللہ علیہ وآلہ وسلم کا یہ ارشاد نقل فرمایا ہے… کہ جس بندے کو اللہ تعالی نے اس کے گھر بار یا مال یا اولاد کے متعلق کوئی نعمت عطا فرمائی اور پھر اس نے وہ نعمت دیکھ کر مَاشَاء اللّٰہُ لَا قُوَّہَ اِلَّا بِاللّٰہِ پڑھا اس سے اللہ تعالیٰ اس کی موت تک تمام آفتوں کو دور فرمادیتے ہیں ..۔
پھر آپ صلی اللہ علیہ وآلہ وسلم نے دلیل میں یہ آیت تلاوت فرمائی وَلَوْ لَا اِذْ دَخَلْتَ جَنَّتَکَ قُلْتَ مَاشَآء َاللّٰہُ لَا قُوَّۃَ اِلَّا بِاللّٰہِ (اور تو جس وقت اپنے باغ میں پہنچا تو تو نے یوں نہ کہا کہ جو اللہ کو منظور ہوتا ہے وہی ہوتا ہے … اور بدون خدا کی مدد کےکوئی قوت نہیں)

حضرت سعد بن ابی وقاص رضی اللہ عنہ نے نبی کریم صلی اللہ علیہ وآلہ وسلم سے روایت کیا … فرمایا کیا میں تمہیں اللہ کا اسم اعظم بتا دوں ؟
وہ یونسؑ کی دعا لَا اِ لَہَ اِلَّا اَنْتَ سُبْحٰنَکَ اِنِّیْ کُنْتُ مِنَ الظَّلِمِیْنَ ہے… جس مسلمان نے اپنی بیماری میں چالیس 40 مرتبہ یہ دعا پڑھی اور پھر وہ اپنی اس بیماری میں فوت ہو گیا تو اس کو شہید کا ثواب عطاکیا جائے گا اور اگر وہ صحت یاب ہوا تو گناہ بخشا ہواہو کر صحت یاب ہو گا… (مستدرک حاکم)

کتاب کا نام: مجربات اکابر
صفحہ نمبر: 73

مجربات اکابر

مجربات اکابر

یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔

₨ 1050.00

Shop now