Description
نبی کریم صلی اللہ علیہ وسلم کا جود و سخا اور فیاضی کی شہادات اس قدر ہیں کہ متعصب اور متنفر غیر مسلم مؤرخین بھی آپکو کائنات کا سب سے بڑا سخی ماننے اور لکھنے پر مجبور ہیں ۔
اس کے علاوہ صحابہ کرام اور صحابیات کو بھی عظیم روحانی و مالی صفت “سخاوت” سے نوازا گیا تھا ۔ اُنکی سخاوت کو دنیا کی رنگینیاں اور شرور و فتن جنبش نہ دے سکے ۔حتیٰ کہ اُنکی تمام تر صلاحیات ترویج دین اور اعلاء کلمۃ اللہ کے لئے وقف ہوکر رہ گئیں ۔
اس کتاب کے باب اول میں سخاوت اور فیاضی کے متعلق اہم ابتدائی مضامین دئیے گئے ہیں ۔ نیز مال کی تقسیم اور خرچ کا اسلامی مزاج دکھا گیا ہے ۔ اسی بارہ میں قرآن وحدیث کی تعلیمات اکٹھی کر کے بیان کردی گئی ہیں ۔
دوسرے باب میں سرور کائنات صلی اللہ علیہ وسلم کی سیرت طیبہ سے کمال جود و سخا اور فیاضی و دریادلی کے شاھکار واقعات مرتب کئے گئے ہیں ۔
تیسرے باب میں صحابہ کرام اور چوتھے باب میں صحابہ کرام کے علاوہ خیر القرون کے مثالی جذبہ سخاوت کو روشناس کرانے والے واقعات جمع کئے گئے ہیں ۔
پانچویں اور آخری باب میں برصغیر پاک و ہند کے سلاطین ارباب علم اور مشائخ عظام کی زندگیوں سے سخاوت و فیاضی پر مبنی واقعات و حکایات جمع کی گئی ہیں ۔
آج کل امت مسلمہ جن مسائل کے گرداب میں ہے وہ کسی بھی صاحب بصیرت سے مخفی نہیں ہے ۔ ان حالات میں اہل ثروت اور باتوفیق اہل خیر پر یہ ذمہ داری دوچند ہوجاتی ہے کہ مفلوک الحال شخص پر خرچ کریں ۔ مالدار شخص اپنا مال راہِ خدا میں خرچ کرکے سوچ سے بھی زیادہ نیکیاں کما سکتے ہیں ۔ آج کے دور میں سخاوت کا مظاہرہ کرنا اخلاقی ذمہ داری کے ساتھ ساتھ سماجی فرض بن چکا ہے ۔
Reviews
There are no reviews yet.