Description
آج کی پریشان حال انسانیت جو مادیت کے بوجھ تلے دبی ہوئی ہے جب کبھی اسے سکون اور اطمینان کے لئے روحانیت کی ضرورت ہوتی ہے تو یہ نام نہاد بازاری عاملوں کے آستانے پے جا پہنچتی ہے ۔ جہاں پر حیا باختہ فضا اسکے ایمان، مال اور آبرو تک کو غارت کرجاتا ہے ۔ آئے دن نجانے کتنے حضرات و خواتین ایسے بازاری عاملوں کے ہاتھوں سے ڈسے جاتے ہیں جو درحقیقت درندے ہیں لیکن خود پر روحانیت کا لیبل لگائے ہوئے ہیں ۔
اس لئے یہ کتاب “روحانی عملیات و وظائف” ایک کاوش ہے جس میں قرآن و حدیث اور اکابر و مشائخ اہل اللہ سے مروی مستند ومجرب عملیات ووظائف دے دئیے گئے ہیں ۔
یہ “محاسن اسلام” میں شائع ہونے والے مستند عملیات و روحانی وظائف ہیں ۔ محاسن اسلام ایک کثیر التعداد شائع ہونے والا اسلامی رسالہ ہے جو پچھلے کئی برس سے کثیر الاشاعت اسلامی مجلہ ہے ۔ اس کے اندر ایک سلسلہ عملیات کا ہے یعنی ہر ماہ دینی ودنیاوی امور سے متعلق آسان اور عام فہم وظائف دئیے جاتے ہیں ۔
قارئینِ رسالہ کی خواہش تھی کہ ان منتخب وظائف کو ایک علیحدہ کتابی شکل دی جائے اور یہ اب آپ کے سامنے کتاب موجود ہے ۔ اس کتاب کی برکت سے آپ بازاری عاملوں کے شر سے بچ جائیں گے اور قرآن و حدیث سے تعلق بہت مضبوط ہوجائیگا ۔ ہر دینی ودنیوی مشکل کو آپ الہامی نسخوں کی روشنی میں خود حل کرلیں گے ۔
Reviews
There are no reviews yet.