Description
امام غزالی رحمہ اللہ تعالیٰ کی کتب کی تعداد اگرچہ اتنی زیادہ نہیں ہے لیکن ان سے خلق کثیر نے علمی و عملی رہنمائی حاصل کی ہے ۔ اس طرح انکے علمی فیوض و برکات کا یہ چشمہ مصفیٰ جاری وساری ہے ۔ امام غزالی رحمہ اللہ تعالیٰ نے علمائے فلاسفہ کے لئے علمی موضوعات پر جہاں تصانیف مرتب فرمائی ہیں وہیں انہوں نے عامۃ الناس کے عقائد و اعمال کی اصلاح کے لئے رسائل ومضامین تحریر فرمائے ۔ جن کا اسلوب نہایت آسان اور عام فہم ہے ۔ امام غزالی کی ہر تصنیف کا مقصد مسلمانوں کی خیرخواہی تھا ۔
امام غزالی رحمہ اللہ تعالیٰ کا نام انکی معرکۃ الآراء تالیف احیاء علوم الدین کی وجہ سے زیادہ معروف ہے لیکن انکی اور بھی تالیفات ہیں جو اپنے مشمولات کے اعتبار سے اہمیت کی حامل ہیں اور علمی خزائن و معارف کا مجموعہ ہیں ۔ ان ہی میں سے ایک یہ کتاب بھی ہے ۔ یہ کتاب اصلاً فارسی میں لکھی گئی تھی مقصد یہ تھا کہ اہل عرب کے ہاں تو دین شناسی کے بہت سے ذرائع دستیاب ہیں ۔ اہل عجم کی راہنمائی کا بھی تو کچھ سامان ہونا چاہئے ۔ چنانچہ آسان اور عام فہم انداز میں احکام و مسائل دینیہ اور سلوک و معرفت کے اسرار و رموز کا یہ مجموعہ انہوں نے تالیف کیا ہے ۔ مقصود بندے اور رب کے تعلق کی مضبوطی تھا ۔ چنانچہ آپ دیکھیں گے کہ حضرت امام نے اس کتاب میں بعض مشکل ترین مباحث کو بے حد آسان اسلوب میں پیش کیا ہے ۔
یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5744576178931743/923450345581
Reviews
There are no reviews yet.