اصلاح دل – مکتوبات و ملفوظات اشرفیہ

حکیم الامت حضرت مولانا اشرف علی تھانوی رحمہ اللہ تعالیٰ سے اُنکے خلیفہ حضرت اقدس حاجی محمد شریف صاحب نور اللہ مرقدہ اور اُنکی اہلیہ محترمہ کی اصلاحی خط و کتاب جو مرد حضرات کے ساتھ ساتھ خواتین کے لئے بھی مکمل راہنما کتاب ہے ۔

اس کتاب میں حضرت تھانوی رحمہ اللہ تعالیٰ کے ایسے اصلاحی مکاتیب ہیں جو روحانی زندگی میں عجیب انقلاب پیدا کرتے ہیں ۔

مصنف قاری محمد اسحاق ملتانی لکھتے ہیں کہ ہمارے حضرت سیدی ومرشدی حضرت حاجی شریف رحمہ اللہ تعالیٰ تقسیم ہند کے وقت یہی روحانی خزانہ ہندوستان سے اپنے ساتھ لائے تھے ۔ بڑی بڑی علمی کتابیں اور نادر نسخے وہیں چھوڑ دئیے مگر یہ حوصلہ نہ ہوسکا کہ حضرت کے مکتوبات چھوڑ کر خود پاکستان آجاتے ۔

اہلیہ محترمہ کے کہنے پر فرمایا تھا “خطوط میں سے ایک ایک خط کی قیمت میرے نزدیک ہفت اقلیم کی سلطنت و دولت سے بھی زیادہ ہے”۔

استاذ العلماء حضرت مولانا خیر محمد جالندھری رحمہ اللہ تعالیٰ کو حاجی صاحب نے چند خطوط سنائے تو انہوں نے فرمایا:”ایسے خطوط کہاں چھپائے بیٹھے ہو؟ ایسے نادر مکتوبات کو شائع  کروانا چاہئے”۔

اس پر میں نے ان مکتوبات کی اشاعت کا اہتمام کیا ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/6324541680908868/923450345581