حفظ قرآن اور حفاظ قرآن

اس کتاب کے مصنف مولانا وقاص بن کریم لکھتے ہیں کہ مخدومی ومربی مولانا کریم بخش صاحب جامع مسجد فاروق اعظم ملتان میں عرصہ دراز سے درس قرآن ارشاد فرمارہے تھے جس کی برکات عوام و خواص کو مل رہی تھیں ۔

بعض احباب نے مشورہ دیا کہ یہ دروس تحریری شکل میں آجائیں چنانچہ اس پر کام شروع کیا گیا اور ایک طویل مدت کے بعد معتد بہ ذخیرہ جمع ہوگیا ۔ یہ کتاب یواقیت الحسان فی علوم القرآن چار جلدوں میں تیار ہوگئی ۔ مگر پھر دوستوں نے یہ مشورہ دیا کہ چار جلدوں کی بجائے اسکو ایک ایک جلد میں شائع کیا جائے ۔

چنانچہ قرآنی علوم کو چار جلدوں میں الگ الگ شائع کیا گیا ۔ یہ اس سلسلہ کی تیسری کڑی اور تیسرا حصہ ہے “حفظ قرآن اور حفاظ قرآن”۔

اس میں حفظ قرآن اور حفاظ قرآن کے فضائل بیان کئے گئے ہیں ۔ نیز حفظ قرآن کے لئے نصیحتیں، شاگردوں اور استاذوں کے لئے بہترین نصائح اور آخر میں قرآنی سورتوں کے فضائل ذکر کئے گئے ہیں ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/9280679101946074/923450345581