فضائل صحابہ

صحابہ کرام رضی اللہ تعالیٰ عنہم کے فضائل و مناقب پر دنیا میں بہت سی کتب لکھی گئی ہیں ۔ تمام محدثین کرام نے اپنی کتب احادیث میں فضائل صحابہ کے عنوان کو کتاب کا ایک لازمی جزو قرار دیا ہے ۔ جن میں صحابہ کرام کے فضائل و مناقب پر مشتمل احادیث شامل کی گئی ہیں ۔

یہ کتاب “فضائل صحابہ” امام احمد بن حنبل رحمہ اللہ تعالیٰ کی تالیف ہے ۔ اس موضوع پر یہ ایک امتیازی شان کی کتاب ہے ۔

۔1۔ اسمیں پہلے خلفائے راشدین کے فضائل بیان کئے گئے ہیں ۔ پھر بقیہ عشرہ مبشرہ، صحابہ کرام رضی اللہ تعالیٰ عنہم اور پھر دوسرے اکابر اور مشہور صحابہ کرام رضی اللہ تعالیٰ عنہم کے فضائل و مناقب، سیرت و کردار، حالات وواقعات بیان کئے گئے ہیں ۔

۔2۔ ہر صحابی کے فضائل کے شروع میں مستند اور مختصر حالات زندگی تحریر کردئیے گئے ہیں جو اصل کتاب کا حصہ نہیں ہیں ۔

۔3۔ اصل عربی کتاب میں عنوانات نہیں تھے ، جس کی وجہ سے متعلقہ احادیث کی تلاش مشکل تھی ۔ اس لئے قارئین کی سہولت کے لئے اردو ترجمہ کے ساتھ ساتھ عنوانات بھی قائم کردئیے گئے ہیں تاکہ کتاب سے استفادہ مزید آسان ہوجائے ۔

۔4۔ احادیث کی تخریج کی گئی ہے تاکہ یہ معلوم ہوسکے کہ اس کتاب میں موجود احادیث دیگر کن کتب احادیث میں مل سکتی ہیں ۔

۔5۔ چونکہ ایک حدیث کی کتاب مختلف کتب خانوں سے شائع ہوتی ہے جس کی وجہ سے جلد اور صفحہ کی تلاش مشکل ہوتی ہے اس لئے تخریج میں کتاب کا نام اور کتاب کے اندر کتاب کا نام اور باب کا نام بھی تحریر کردیا گیا ہے ۔

۔6۔ زیادہ تر تخریج مکتبہ شاملہ سے لی گئی ہے ۔

۔7۔ ضرورت کے مطابق احادیث کی تشریح کر دی گئی ہے ۔

۔8۔ جہاں بظاہر احادیث میں تعارض نظر آیا وہاں تعارض رفع کردیا گیا ہے ۔

۔9۔ ضعیف اور موضوع احادیث کی بھی نشاندہی کر دی گئی ہے ۔

یہ کتاب واٹس ایپ پر آرڈر کرنے کے لئے یہ لنک وزٹ کریں
https://wa.me/p/5879342588795693/923450345581