جادو اور شرک
ان میں بلا تشبیہ وہی نسبت ہے جو دو مختلف سلطنتوں کے رائج الوقت سکوں میں ہوا کرتی ہے جیسے عالَم ظاہر میں مخلوق کی تاثیرات کو مؤثر حقیقی سمجھ لینے کا نام شرک ہے ایسے ہی عالم باطن کی تاثیرات میں اور روحانی مخلوق کی تاثیرات اور ان کی قوت اور قدرت سے اعانت و مدد طلب کرنے کا نام سحر ہے اسی لئے حدیث شریف میں جہاں شرک سے بچنے کی ممانعت فرمائی گئی وہاں سحر سے بھی اجتناب کا حکم دیا گیا.. كما قال رسول الله صلى الله عليه وسلم “اجتنبوا السبع الموبقات الخ” جیسے ظاہری مخلوق میں جو کچھ بھی قوت وقدرت ہے وہ اسی ذات پیچون و بیچگون کی عطاء ہے اور سبب حقیقی کو چھوڑ کر اسباب مخفی ہی پر ایمان کو منحصر کر دینا کفر وشرک ہے اسی طرح اس کی علوی مخفی مخلوق میں جو کچھ بھی قوت وطاقت ہے وہ اس کا فیض ہے پس ان مخفی طاقتوں پر بھی ایمان کو منحصر کر دینا عین شرک اور نتیجہ علم فتنہ ہے
کتاب کا نام: مجربات اکابر
صفحہ نمبر: 276
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔