عرش عظیم کے برابر وزنی کلمات
أم المؤمنین حضرت جویریہ رضی اللہ تعالی عنہا سے روایت ہے کہ رسول اللہ صلی اللہ علیہ وسلم ایک دن نماز فجر پڑھنے کے بعد ان کے پاس سے باہر نکلے وہ اس وقت اپنی نماز پڑھنے کی جگہ بیٹھی کچھ پڑھ رہی تھیں … پھر آپ کچھ دیر کے بعد جب چاشت کا وقت آچکا تھا واپس تشریف لاۓ … حضرت جویریہ رضی اللہ تعالی عنہا اسی طرح بیٹھی اپنے وظیفہ میں مشغول تھیں …۔
آپ نے ان سے فرمایا: ”میں جب سے تمہارے پاس سے گیا ہوں ، کیا تم اس وقت سے برابر اس حالت میں اور اسی طرح پڑھ رہی ہو؟۔
انہوں نے عرض کیا۔۔۔۔ ہاں۔۔ آپ نے فرمایا:۔
تمہارے پاس سے جانے کے بعد میں نے چار کلمے تین دفعہ کہے..۔
اگر وہ تمہارے اس پورے وظیفے کے ساتھ تولے جائیں جو تم نے آج صبح سے پڑھا ہے تو ان چار کلمات کا وزن بڑھ جاۓ گا وہ کلمے یہ ہیں:… ۔
۔(1)- سبحان الله وبحمده عدد خلقه
۔(2)۔ زنة عرشه
۔(3)۔ ورضى نفسه
۔(4)۔ ومداد كلماته
ترجمہ…۔
اللہ کی تسبیح اور اس کی حمد اس کی ساری مخلوقات کی تعداد کے برابر اور اس کے عرش عظیم کے وزن کے برابر اور اس کی ذات پاک کی روضا کے مطابق اور اس کے کلموں کی مقدار کے مطابق…۔(صحیح مسلم)۔
کتاب کا نام: مجربات اکابر
صفحہ نمبر: 101
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔