سورۃ الفاتحہ بھی اسم اعظم ہے
شیخ الحدیث مولانا محمد زکریا کاندھلوی رحمہ اللہ تحریر فرماتے ہیں :۔
مشائخ کے اعمال مجرب میں لکھا ہے کہ سورۃ الفاتحہ اسم اعظم ہے… ہر مطلب کیلئے پڑھنی چاہئے ۔
اسکا طریقہ یہ ہے کہ صبح کی سنت اور فرض کے درمیان “بِسْمِ اللهِ الرَّحْمَٰنِ الرَّحِیمِ” کے میم کیساتھ “الحمد للہ” کا لام ملا کر
اکتالیس بار (41)۔
چالیس (40) دن تک پڑھے جو مطلب ہوگا ان شاءاللہ حاصل ہوگا اور اگر کسی مریض یا جادو کئے ہوۓ کیلئے ضرورت ہو توپانی پر دم کر کے اسکو پلائیں….۔
فائدہ…جسمانی امراض اور جادو وغیرہ کے اثرات کیلئے سورۃ الفاتحہ کا مذکوہ عمل نہایت مجرب ہے…۔
چالیس (40) دن کے اس عمل کے ذریعے پانی پر دم کر کے بوتلیں تیار کر لی جائیں اور اپنے اور اپنے عزیز واقارب اور دوست احباب کو استعمال کرائی جائیں ضرورت مند بیماروں کو یہ بوتلیں تحفہ میں دیں…۔
ان شاءاللہ جسمانی امراض سے شفاء کیلئے مجرب عمل ہے…۔
کتاب کا نام: مجربات اکابر
صفحہ نمبر: 379
مجربات اکابر
مجربات اکابر
یہ کتاب اکابر واسلاف کے مستند اور مجرب عملیات کا خزینہ ہے جس سے فائدہ اٹھا کر ہم اپنی دنیا وآخرت سنوار سکتے ہیں۔ عہدنبوت سے اب تک مشاہیر اسلاف امت کے مجرب عملیات، معمولات اور اذکار و وظائف جمع کئے گئے ہیں ۔ یہ مجموعہ آج کی پریشان حال امت کے لئے ایک ایسا روحانی تحفہ ہے جو انہیں بازاری قسم کے عاملوں سے نجات دلا سکتا ہے ۔
0 Comments