میں تو گالی والی زبان سے محروم ہوں
مفتی اعظم ہند مفتی محمود حسن صاحب گنگوہی رحمۃ اللہ علیہ نے ارشاد فرمایا کہ میں ایک جگہ تقریر کر رہا تھا…..۔
ایک صاحب نے جو اپنے ہی تھے پرچہ دیا، جس میں لکھا تھا کہ جب یہ مدمقابل کے لوگ گالی دے رہے ہیں تو آپ گالی کیوں نہیں دیتے؟ کیا آپ کے منہ میں زبان نہیں؟۔
میں نے کہا، ہاں بھائی! میرے منہ میں زبان نہیں….. زبان حق تعالیٰ شانہ کی نعمت ہے….. اس کا حق یہ ہے کہ اس کو اچھے کاموں میں مشغول رکھا جائے….. ذکر کریں، تلاوت کریں، وعظ کہیں، غلط جگہ اس کو استعمال کرنا ناشکری ہے….. اس لئے میں تو گالی والی زبان سے محروم ہوں….. بتایئے اگر کسی شخص کے پاس طرح طرح کے عطر ہوں، خوشبوئیں ہوں اور کوئی آکر اس سے کہے کہ آپ کے پاس گوبر تو ہے ہی نہیں تو وہ کہنے والا ہے نا بے وقوف، پاگل خانہ میں بھیجنے کے لائق….. اسی طرح زبان کو سمجھ لو…..۔ (ملفوظات فقیہ الامت، ج۲ قسط ۷،ص۲۱۱)
کتاب کا نام : ایک ہزار پرتاثیر واقعات صفحہ 89۔
ایک ہزار پُرتاثیر واقعات
عبرت و نصیحت سے بھرپور دل کی دنیا بدلنے میں اکسیر اولیاء اللہ کے ارشاد فرمودہ دلچسپ و حیرت انگیز واقعات۔